Әл - Фараби атындағы ҚазҰУ - дың Шетелдіктерге арналған тілдік және жалпы білім беру дайындығы кафедрасының 40 жылдық мерейтойы

Әл - Фараби атындағы ҚазҰУ - дың Шетелдіктерге арналған тілдік және жалпы білім беру дайындығы кафедрасының 40 жылдық мерейтойы

2025 жылдың желтоқсан айында Әл - Фараби атындағы Қазақ ұлттық университетінің Дайындық факультетінде жұмыс істейтін Шетелдіктерге арналған тілдік және жалпы білім беру дайындығы кафедрасы өзінің құрылғанына 40 жыл толуын атап өтті. Салтанатты шараға кафедраның негізі қаланған күннен бастап қызмет атқарған ардагер оқытушылар, сондай - ақ университет басшылығының өкілдері шақырылды. Олар ардагерлер мен қазіргі уақытта еңбек етіп жүрген оқытушыларды шын жүректен құттықтады. Осы күні кафедра мен оның оқытушыларына арналған көптеген жылы лебіздер мен ізгі тілектер айтылды.
Жиын барысында факультет басшылары құттықтау сөз сөйлеп, шетелдіктерге арналған тілдік және жалпы білім беру дайындығы кафедрасының жұмысын жоғары бағалады. Алғашқы оқытушылар құрамының өкілдері өз естеліктерімен бөлісіп, шығармашылыққа, жаңа іске деген ынта - ықыласқа толы ерекше ортада жұмыс істеген жас ұжымның алғашқы күндері, алғашқы жетістіктері мен кездескен қиындықтары туралы баяндады. Уақыт өте келе кафедра Қазақстандағы шетелдіктердің тілдік дайындығы бойынша ғылыми - әдістемелік орталыққа айналды.
Сондай - ақ қазіргі уақытта кафедрада жұмыс істеп жүрген оқытушылар, осы факультетте білім алып жатқан студенттер және бұрын оқыған, бірақ кафедрамен және сүйікті ұстаздарымен байланысын үзбеген түлектер сөз сөйледі. Әртүрлі себептермен шараға жеке қатыса алмағандар онлайн байланысқа шығып, өздерінің алғыстарын білдірді. Көптеген түлектер кафедраға құрмет пен ризашылық белгісі ретінде демеушілік көмек көрсетіп келеді.
Қырық жылдық мерейтой аясында оқытушылардың еңбегіне арналған көптеген жылы әрі шынайы сөздер айтылды. Ардагерлерге гүл шоқтары, құнды сыйлықтар мен құрмет грамоталары табысталды. Салтанатты шараның соңында шетелдік студенттердің күшімен ұйымдастырылған концерт өтті. Онда студенттер орыс және қазақ тілдерін меңгерудегі жетістіктерін көрсетті, оқу тілдерінде әндер мен өлеңдер орындады.
Қазіргі уақытта кафедрада шетел тілін меңгеру мәселелерін зерттеуге арналған ғылыми - әдістемелік мектеп қалыптасқанын сеніммен айтуға болады. Бұған көптеген докторлық және кандидаттық диссертациялар дәлел болып табылады. Аталған ғылыми еңбектер шетел тілін меңгертудің инновациялық технологияларының ғылыми - әдістемелік негізін құрайды.

Жоғары оқу орнына дейінгі білім беру факультеті
Шетелдіктердің тілдік және жалпы білім беру дайындығы кафедрасы
Мацко И. В. Молдағалиева Ж. Т.