Жастарға арналған мереке

Жастарға арналған мереке

Әл - Фараби атындағы ҚазҰУ ЖОО дейінгі білім беру факультеті шетелдіктерң тілдік және жалпы білім беру дайыңныдығы кафедрасы әлемнің түрлі елдерінен келген шетелдік студенттер білім алады. Көптеген мемлекеттерде жыл сайын 17 қарашада студент жастар Халықаралық студенттер күнін атап өтеді. Осы датаға арналған кураторлық сағат өткізілді.
Куратор бұл мерекенің 1946 жылы 17 қарашада Прагада өткен Бүкіләлемдік конгресте фашизмге қарсы күрескен студенттердің құрметіне белгіленгені туралы айтты. Қазіргі уақытта Студенттер күні – елге, оқу орнына немесе факультетке қарамастан, бүкіл студенттерді біріктіретін символдық мереке болып табылады.
Шетелдік студенттер бұл күннің әлемнің әртүрлі университеттерінде қалай атап өтілетінін, қандай дәстүрлердің бар екенін және осы күннің ерекшелігін білді. Әр елде жастар өз мерекесін өзінше атап өтеді.
Бұл күні әдетте курстастармен және достармен кездеседі. Сонымен қатар фестивальдер, концерттер, қайырымдылық акциялары, интеллектуалдық викториналар, квестер, спорттық жарыстар ұйымдастырылады.
Қазақстанда бұл күні ашық дәрістер, оқытушылар және түлектермен кездесулер, шығармашылық жобалар, волонтерлік акциялар және білім сапасына арналған талқылаулар өтеді.
Қытайлық және корейлік студенттер өз елдерінде бұл күн қалай өтетінін айтып берді.
Мәселен, Қытайда 4 мамыр – Жастар күні ретінде атап өтіледі. Бұл күн құқық пен прогресс жолындағы күрестің символына айналған. Оңтүстік Кореяда 1953 жылы 3 қараша Студенттер күні ұлттық мереке болып жарияланды. 2006 жылы бұл мерекенің атауы Студенттік тәуелсіздік қозғалысы күні болып өзгертілді.
Соңында студенттер барша қауымды мерекемен құттықтап, оқуда табыс, жаңа идеялар және жарқын болашаққа сенім тіледі.

Ешимов М. П., Якубаева К. С.,
Әл - Фараби атындағы ҚазҰУ
шетелдіктерң тілдік және жалпы білім беру дайыңныдығы кафедрасы.