Жолдау – жаңа мүмкіндіктер кезеңі

Жолдау – жаңа мүмкіндіктер кезеңі

ҚР Президенті Қасым - Жомарт Кемелұлы Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына жолдауы мемлекетіміздің даму жолындағы бағыт берер басты құжаты. Жыл сайын ҚР Президент жолдауы өз жаңалықтарымен, құнды ұсыныстарымен еліміздің әлеуметтік - экономикалық дамуын одан ары өркендетуге, жаңғыртуға негіз болатын салмақты тұжырымдармен ерекшеленеді. Аталған Жолдауда елдің болашақ дамуына әсер ететін стратегиялық бағыттарға арналды. Атап айтқанда, цифрлық технологиялар мен жасанды интеллектіні мемлекеттік басқару мен экономикаға кеңінен енгізу мәселелері күн тәртібінде болды. Сонымен бірге ішкі нарықты күшейту, өндірісте жоғары қосылған құнды өнім үлесін арттыру, азық - түлік, энергия және көлік қауіпсіздігін нығайтуға басымдық берілді. Денсаулық сақтау, білім беру және экология саласындағы әлеуметтік реформалар да Жолдаудың негізгі өзегін құрады.
Бұл ұсынылған Президент жолдауы халыққа, қоғамға, мемлекет дамуы, өркендеуі үшін аса қажетті дүние. Еліміздің экономикалық дамуына халықтың әлеуметтік жағдайының артуы зор әсер етеді. Президенттің бастамалары қазіргі заман талабына сай деп есептеймін. Сонымен қатар биылғы Жолдауда айтылған мақсаттарды орындау да үлкен жауапкершілік жүктейді.

А. Е. Саденова
Әл - Фараби атындағы ҚазҰУ,
Жоғары оқу орнына дейінгі білім беру факультеті,
Шетелдіктердің тілдік және жалпы білім беру
дайындығы кафедрасы