Өзге елдердегі студенттер күні

Өзге елдердегі студенттер күні

Әл - Фараби атындағы ҚазҰУ ЖОО дейінгі білім беру факультеті шетелдіктердің тілдік және жалпы білім беру дайындығы кафедрасында әлемнің түрлі елдерінен келген шетелдік студенттер оқиды. 17 қарашада Халықаралық студенттер күні атап өтіледі және осы күнге орай кураторлық сағат өткізілді. Куратор шетелдік студенттерге Халықаралық студенттер күні 1941 жылы Лондонда (Ұлыбритания) фашизмге қарсы күрескен елдердің студенттерінің халықаралық кездесуінде құрылғанын айтты. Бұл күн 1946 жылы Прагада Дүниежүзілік студенттер конгресінің шешімімен бекітілді. Қазіргі уақытта студенттер күні елінее, оқу орнына және факультетіне қарамастан барлық студенттердің символдық бірлестігі болып табылады. Кураторлық сағатта шетелдік студенттер бұл күнді әлемнің әртүрлі университеттерінде қалай атап өтетінін, қандай дәстүрлер бар екенін және осы күннің ерекшелігі неде екенін білді. Бұл күні студенттер бірге оқитын достарымен бірігіп, кездесу ұйымдастырады. Сонымен қатар, фестивальдар, концерттер, қайырымдылық акциялары, зияткерлік викториналар, квесттер, спорттық жарыстар өткізіледі.
Қытай және Корей студенттері өз елдерінде бұл күннің қалай аталып өтілетінін де ақпарат айтты. Сонымен, Қытайда 4 мамыр жастар күні атап өтіледі. Бұл күн өз құқығы мен прогресс үшін күрестің символына айналды. 1953 жылы Оңтүстік Кореяда студенттер күні жыл сайын 3 қарашада атап өтілетін ұлттық мереке болып жарияланған. 2006 жылы мерекенің атауы студенттердің тәуелсіздік үшін қозғалыс күні деп өзгертілді. Соңында студенттер барлығын мерекемен құттықтады: Сон Инхоэ (Оңтүстік Корея): «Мен ҚазҰУ - дың барлық студенттерін мерекемен құттықтаймын! Барлығына сәттілік тілеймін!». Гуо Джунжу (Қытай): «Халықаралық студенттер күні құтты болсын, достар!».

Якубаева К. С., Ешимов М. П.
Әл - Фараби атындағы ҚазҰУ
ЖОО дейінгі білім беру факультеті
Шетелдіктердің тілдік және жалпы білім беру дайындығы кафедрасы