Алматының тарихы және бүгіні

Алматының тарихы және бүгіні

Алматының бүгінгі көрінісі керемет, мәдени - саяси жүйесінің маңыздылығы зор қала. Әр қаланың өз тарихы мен өз тағдыры болады, қала арқылы шеттен келген адамдар сол қалада тұратын ұлттардың мәдениетін, салт - дәстүрін түсінеді. Алматы - Алатау баурайының етегінде орналасқан әсем қала - өркен жайған өнер, көркем мәдениет пен өрелі өркениеттің ордасы, алып шаһарда қазір 2 миллионнан аса халық тұрады, еліміздің мәдени ошағы.
Алматы - егемен Қазақстанның қазіргі заман тарихы қаланған қала, Алматыда 1991 жылғы 16 желтоқсанда «Қазақстан Республикасының мемлекеттік тәуелсіздігі туралы» Заң қабылданған, 1993 жылы қаланың тарихи атауы - Алматы ресми түрде қалпына келтірілген, бас қала Астанаға ауысқан соң, Алматыға республикалық маңызы бар қала мәртебесі берілген, бүгінгі күні Алматы Қазақстанның мәдени, ғылыми, қаржылық - экономикалық және саяси өмірінің орталығы болып қала береді.
Алматы – махаббаттың қаласы. Алматы әсем қала деп бекер айтылмаған. Алматының әсем табиғатын барлық адам жақсы көреді. Алматы – Қазақстанның екінші жүрегі.
Жыл сайын қыркүйектің үшінші жексенбісінде Алматыда қала күні аталып өтеді. Осы Алматы қаласы күніне арналған түрлі іс - шаралар мен бағдарламалар өткізіледі: Apple Fest фестивалі, концерттер, кино көрсетілімдері, қолөнершілер жәрмеңкесі, алма көрмесі мен жәрмеңкесі.

Өзенбек Е. Р.
Әл - Фараби атындағы ҚазҰУ,
Тарих факультеті,
Қазақстан тарихы кафедрасы.