Юань еуроны басып озып, әлемдегі екінші валютаға айналды

Юань еуроны басып озып, әлемдегі екінші валютаға айналды

Юань бірінші рет еуроны басып озып, жаһандық сауданы қаржыландыруда қолданылатын әлемдегі екінші ірі валюта болды. Бұл Қытайдың жаһандық сауда амбицияларының өсіп келе жатқанының дәлелі, деп хабарлайды Reuters SWIFT деректеріне сілтеме жасап.

Осылайша, Қытай валютасының халықаралық төлемдердегі үлесі 2023 жылғы тамыздағы 4, 82 %- дан қыркүйекте 5, 8 %- ға дейін өсті, бұл статистика жүргізілген соңғы бес жылдағы ең жоғары көрсеткіш.

Сауда есеп айырысуларында доллар бұрынғысынша бірінші орынды сақтап қалды: қыркүйекте оның үлесі бір ай бұрынғы 83, 95 %- бен салыстырғанда 84, 15 %- ға дейін өсті. Еуро халықаралық төлемдердегі ең танымал үшінші валюта болып табылады. Қыркүйек айында оның үлесі тамыздағы 6, 43 %- дан 5, 43 %- ға дейін төмендеді.

Жаһандық компаниялар Қытайдың қарыз нарықтарына ағылып, рекордтық сомадағы юань облигацияларын шығарып, Қытайдың материктік банктерінен қомақты ақша жинап жатыр. Бұл басқа елдердегі қаржыландыру шығындары өсіп жатқан кезде оларға юаньның төмен пайыздық мөлшерлемелерін пайдалануға мүмкіндік береді.

Компаниялар мен банктер материктегі және Гонконгтағы юаньдік облигациялар арқылы рекордтық соманы көтеруде. Қытай банктерінен қарыз алудың артуы юаньның еуроны басып озып, әлемдегі екінші ең көп қолданылатын сауданы қаржыландыру валютасына айналды.

Алайда, агенттік атап өткендей, юаньның жаһандануын сақтықпен бағалау керек. Капиталдың басым бөлігі халықаралық компаниялардың қытайлық еншілес компанияларынан келеді, ал «сыртқы» қарыздың жартысынан көбі материктік компаниялардың Гонконгтағы операцияларынан келеді. Сонымен бірге инвесторлар геосаяси шиеленістерден және өсудің күмәнді перспективаларынан қашып, Қытай нарығынан қашып жатыр.

Керімсал Жұбатқанов