Педагогтердің әл - ауқатын анықтау мақсатында сауалнама алынды

Педагогтердің әл - ауқатын анықтау мақсатында сауалнама алынды

Маңғыстау облысының білім саласы ұйымдарымен бірлікте жасақталған 4 жақты жоспар аясында (Маңғыстау облысының білім басқармасы, Өрлеу - Маңғыстау, Педагогикалық шеберлік орталығы, Маңғыстау облысының білім саласында сапаны қамтамасыз ету департаменті) Облыстық оқу - әдістемелік және қосымша білім беру орталығы мен Маңғыстау облысы бойынша кәсіби даму институты «Педагогтердің әл - ауқатын анықтау» бойынша сауалнама алды. Сауалнамаға барлығы 4430 респондент қатысты.
Төменде сауалнамада ұсынылған кейбір сұрақтарды назарларыңызға ұсынып отырмыз.
Әлеуметтік қамсыздандыру деңгейі
1. Бүгінгі өміріңізге көңіліңіз тола ма?
• Иә – 3926 (88, 6%)
• Болатын шығар – 504 (11, 4%)
Сауалнамаға жауап берушілердің 88, 6%- ы «иә» деп жауап берсе, қалған 11, 4%- ы «болатын шығар» жауабын таңдады.

2. «Отбасыңыздың қаржылық жағдайын қалай бағалар едіңіз?» деген сұраққа жауаптар төмендегідей анықталды:
• Өте жақсы – 691 (15, 6%)
• Жақсы – 2665 (60, 2%)
• Жақсы да, жаман да емес – 1025 (23, 1%)
• Нашар – 49 (1, 1%)
Сауалнамаға жауап берушілердің басым бөлігі, атап айтқанда 60, 2%- ы отбасының қаржылық жағдайын «жақсы» деп бағалап отыр. Тек 1, 1% педагог «нашар» жауабын белгіледі.

3. «Болашаққа қалай қарайсыз?». Аталған сұрақ бойынша, сауалға қатысқан педагогтердің 63, 5%- ы «үміт», 21, 5%- ы «сабыр» 11, 4%- ы «оптимизим» және 2, 8% педагог «қорқынышпен» қарайтындығы анықталды. Ал болашаққа «үреймен» қарайтындардың үлесі – 0, 8%- ы құрады.
• Үміт – 2814 (63, 5%)
• Сабыр – 952 (21, 5%)
• Оптимизм – 505 (11, 4%)
• Қорқыныш – 122 (2, 8%)
• Үрей – 37 (0, 8%)
Эмоционалды көңіл - күй деңгейі
1. Соңғы аптада сіз жұмыс орныңызда төмендегіні қаншалықты жиі сезіндіңіз?
1.1. Күйзеліс:
• Әрқашан – 104 (2, 3%)
• Жиі – 352 (7, 9%)
• Кейде – 1747 (39, 4%)
• Сирек – 909 (20, 5%)
• Ешқашан – 1318 (29, 8%)
1.2. Құлазу
• Әрқашан – 70 (1, 6%)
• Жиі – 245 (5, 5%)
• Кейде – 1645 (37, 1%)
• Сирек – 932 (21%)
• Ешқашан – 1538 (34, 7%)
1.3. Жұмысбастылық
• Әрқашан – 1517 (34, 2%)
• Жиі – 1109 (25%)
• Кейде – 1192 (26, 9%)
• Сирек – 366 (8, 3%)
• Ешқашан – 246 (5, 6%)
1.4. Мазасыздық
• Әрқашан – 162 (3, 7%)
• Жиі – 451 (10, 2%)
• Кейде – 1982 (44, 7%)
• Сирек – 919 (20, 7%)
• Ешқашан – 916 (20, 7%)
1.5. Көңіл - күйдің түсуі
• Әрқашан – 71 (1, 6%)
• Жиі – 387 (8, 7%)
• Кейде – 2212 (49, 9%)
• Сирек – 1060 (23, 9%)
• Ешқашан – 700 (15, 8%)
Эмоционалды көңіл - күй деңгейі бойынша сауалнамаға қатысушыларға соңғы аптада жұмыста қандай сезімде болғандығы туралы анықтауға мүмкіндік берілді. Сауалнама қорытындысы бойынша, «күйзеліс», «құлазу» және «көңіл - күйдің түсуі» сезімдерін «кейде» сезінетіндердің пайызы жоғары: (39, 4%, 37, 1% және 49, 9% сәйкесінше). 34, 2% педагог «әрқашан» жұмысбасты екендігін көрсетсе, мазасыздық сезімінде «сирек» болатын және «ешқашан» болмайтындардың үлесі бірдей: 20, 7%.

1. Соңғы аптада сіз жұмыс орнында төмендегіні қаншалықты жиі сезіндіңіз?
• Жұмысқа деген ынта – 2399 (54, 2%)
• Бақыт – 736 (16, 6%)
• Қауіпсіздік – 321 (7, 2%)
• Үміт – 974 (22%)
Аталған сауалға, 54, 2% педагог соңғы аптада «жұмысқа деген ынтаны», 22% «үмітті», 16, 6% «бақытты» сезінсе, қалған 7, 2%- ы «қауіпсіздікті» сезінген екен.

Сауалнама қорытындысы бойынша облысымыздағы педагогтердің 60, 2 пайызы отбасындағы қаржылық жағдайды «жақсы» деп бағалайды екен. 63 пайызы болашаққа үмітпен қарайды. Жұмыс барысында педагогтердің 7, 9 пайызы жиі күйзеліске ұшырайды; 37, 1 пайызы кейде құлазиды, 34, 2 - сі әрқашан жұмысбастылықты, 44, 7 - сі кейде мазасыздықты, 49, 9 пайызы кейде көңіл күйінің түсуін сезінеді.
Сауалнамадағы жеке - жеке сұрақтардың жауабын да дәл осылай зерделеп қарауға болады. Тұтастай алғанда, облыстағы педагогтеріміздің әл - ауқаты орта есеппен «жақсы» деген қорытындыға келуге болады.

Қожабаева Нұрбибі Игілікқызы,
Өрлеу - Маңғыстау филиалының
мониторингтік жұмыс тобының
бас маманы