Жолдаудан туындайтын міндеттер талқыланды

Жолдаудан туындайтын міндеттер талқыланды

Бүгін, 2022 жылы 12 қыркүйекте әл - Фараби атындағы Қазақ ұлттық университетінің жоғары оқу орнына дейінгі білім беру факультетінің ұжымы Мемлекет Басшысы Қасым - Жомарт Кемелұлы Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына Жолдауынан туындайтын міндеттерді талқылау мақсатында жиналды. Жиынға факультет деканы, құрылым басшылары, қызметкерлер, профессор - оқытушылар мен жас ғалымдар қатысты.
Іс - шара барысында қатысушылар білім мен ғылым саласын заманауи талаптарға сай дамыту, жастарға қолдау көрсету мәселелерін басты назарға алды, ел экономикасын және оның барлық салаларын, бірінші кезекте білім беруді одан әрі дамытудың өзекті мәселелері талқыланды. Баяндамашылар Мемлекет басшысының еліміздің жастары мен балаларын әлеуметтік қолдауды жаңғырту, педагогикалық саладағы кадрларды даярлау сапасы жөніндегі бастамаларын ерекше атап өтті.
Іс - шараға қатысушылар Жолдауда айтылған бастамалар туралы өз пікірлерін білдіріп, негізгі бағыттарын нақтылады. Сондай - ақ, Жолдауда көрсетілген міндеттерді іске асыру бойынша өз ойлары мен ұсыныстарын ортаға салды.
Әл - Фараби атындағы Қазақ ұлттық университетінің Жоғары оқу орнына дейінгі білім беру факультетінің ұжымы Президент Жолдауын бірауыздан қолдап, алға қойған міндеттерді шешуге белсенді қатысуға дайын екендіктерін жеткізді.

Саденова А. Е.
Әл - Фараби атындағы Қазақ ұлттық университеті
Жоғары оқу орнына дейінгі білім беру факультеті
Шетелдіктердің тілдік және жалпы білім беру дайындығы кафедрасы