Қазақстан мен Түркия бірлескен тарихи сериал түсіруге ниетті

Қазақстан мен Түркия бірлескен тарихи сериал түсіруге ниетті

Белгілі түрік продюсерлері жұмысқа кірісіп кеткені белгілі, - деп хабарлады Tengrinews. kz. Белгілі түрік продюсері Эмре Конюк жобаға қатысуға дайын.
«Біз 6 сериядан тұратын «Алып - Арслан» тарихи сериясы бойынша жұмысты бастауды жоспарлап отырмыз. Бұл фильм үшін ұрыс алаңдарын қазақ даласында түсіру туралы шешім қабылданды. Кездесуде біз бұл идеяны ҚР Ақпараттық және әлеуметтік даму министрімен жан - жақты талқыладық. Сонымен қатар біз Қорқыт ата туралы фильм түсіруді ұсындық. Ол туралы бүкіл әлем білуі керек», - деді Эмре Конюк.
TRT киностудиясының директоры Яхия Тайып Айдениз түрік режиссерлері қазірдің өзінде «Номад» қазақстандық каскадерлер тобымен және «Хассак» этно - фольклорлық ансамблімен ынтымақтастықта екенін айтты. «Біздің тарихымыз бірдей, сондықтан біз көптен бері бірлескен жобаны жүзеге асыруды армандадық. Бір жыл бұрын біз халықаралық TRT киностудиясы үшін сайт салуды бастадық. Бүгін біз оны қазақстандық делегациямен бірге қарастырдық», - деді Яхия Тайып Айдениз.
Түркия әлемдегі сериалдардың екінші ірі өндірушісі.
Айтпақшы, белгілі қазақстандық сайт «Тотал. KZ» үстіміздегі жылдың 8 ақпанында «Американдық әйел сериалды көргеннен кейін дінін өзгертті» атты өте көңілді және қызықты мақала жариялады.
Түрік телехикаялары американдық әйелді исламды қабылдауға шақырды. Американың Висконсин штатының тұрғыны ислам дінін қабылдауға түріктің тарихи сериалынан шабыт алды, деп хабарлады Anadolu. Сериал әйелді қатты таңдандырғаны соншалық, ол Осман мемлекетінің тарихы мен ислам дінінің негіздеріне қызығушылық таныта бастады, бейбітшілік, әділеттілік, азап шеккендерге көмектесу сияқты ұғымдарды мұқият зерттеді. Біраз уақыттан кейін Висконсиннің тұрғыны 60 жасында исламды қабылдап, есімін Хадиша деп өзгертті.
«Мен сериалды көре бастадым, бұл бірінші бөлімнен бастап маған қатты әсер етті. Мен көріп отырған нәрсені зерттей бастадым. Ең жақын мешіт қайда деп сұрадым. Мешітке кіргенімде маған сенушілер қатты таң қалған сияқты көрінді. Сол күні, дұғадан кейін мен исламды қабылдадым», - деді Хадиша.
Ол Түркияға мүмкіндігінше тезірек баруды жоспарлап, сонда мұражайларды, тарихи орындарды және танымал тұлғалардың кесенелерін аралайды. Исламды қабылдағаннан кейін оның өмірі әлдеқайда жақсарып, тынышталды.
«Бұрын менде мазасыздық болатын, бірақ мен енді дәрі ішпеймін. Күн сайын таңертең Аллаға жаңа күн үшін және денсаулығында қиындықтардың болмағаны үшін алғыс айтамын», - деді Хадиша.
Киноның адамға күшті эмоционалды әсер етуінің мысалы, әйгілі Лениннің «барлық өнердің ішінен кино біз үшін ең маңызды» деген тұжырымының күші мен дұрыстығын тағы да дәлелдеді! Жақын болашақта отандық кинематографистеріміз түрік мәдениеті мен кино қызметкерлері сияқты кәсіби кинематографиялық деңгейге жетеді деп кәміл сенемін.

Керімсал Жұбатқанов, Қазақ - Орыс халықаралық университетінің доценті, тарих ғылымдарының кандидаты