НАТО елдері қорғаныс саласына триллионнан астам доллар жұмсамақ

НАТО елдері қорғаныс саласына триллионнан астам доллар жұмсамақ

НАТО - ның бас хатшысы Йенс Столтенберг Брюссельдегі баспасөз конференциясында одақтың келесі жылға әскери шығындары туралы есеп берді.

Құжатқа сәйкес, НАТО елдері қорғанысқа жұмсалатын шығындардың жалпы көлемі 1092, 5 миллиард долларға жетеді, демек, 2020 жылға осы мақсаттарға 2019 жылға қарағанда 61 миллиард долларға жуық көп қаражат бөлінеді.

Ең үлкен үлесі бұрынғыдай АҚШ - ның шығындарынан тұрады - $ 784, 95 млрд. Бұл Еуропа мен Канаданың қосқан үлесінен екі еседен көп - $ 307, 53 млрд.

Өткен жылдан бастап, соңғысы Вашингтонның шақыруымен қорғаныс шығындарын едәуір арттырды. НАТО - ның Бас хатшысы қаржыландырудың өсуі алтыншы жыл қатарынан жалғасуда, тіпті пандемия аясында екенін атап өтті.

«Биылғы жылы өсім 4, 3 %- ды құрады және біз бұл үрдіс жалғасады деп күтеміз», - деді Столтенберг.

Столтенберг Ресей мен Қытайдың әрекеттері, сондай - ақ терроризмге қатысты жаңа қауіптер тұрғысынан альянс өзінің стратегиялық тұжырымдамасын жаңартуы керек деді. Ол соңғы он жылда қауіпсіздік саласында болған түбегейлі өзгерістерге назар аударды.

Ал, Ресей билігі Батыс елдерімен қарым - қатынасты жаңа қырғи - қабақ соғыс ретінде қарастырып, қақтығыстардың ушығуына дайындалып жатыр, деп жазды Bloomberg. Сонымен, алда халықаралық аренада өте күрделі мен қауіпті жағдайлардың пайда болуы әбден мүмкін.

Керімсал Жұбатқанов, Қазақ - Орыс халықаралық университетінің доценті, тарих ғылымдарының кандидаты