Қазақстан Республикасының Тұңғыш Президенті Н. Ә. Назарбаевтың «Жаңа гуманитарлық білім. Қазақ тіліндегі 100 жаңа оқулық» тапсырмасы орындалып жатыр

Қазақстан Республикасының Тұңғыш Президенті Н. Ә. Назарбаевтың «Жаңа гуманитарлық білім. Қазақ тіліндегі 100 жаңа оқулық» тапсырмасы орындалып жатыр

Әлемнің үздік университеттерінде қолданатын 77 әлеуметтік - гуманитарлық бағыттағы оқулықтар қазақ тіліне аударылды. Жаңа оқу жылы қарсаңында еліміздің барлық жоғары оқу орындарына оқулықтар жеткізілді.
Бүгінгі таңда қазақ тіліне аударылған тағы 23 оқулықты басып шығару және тарату бойынша жұмыс жалғасуда, деп хабарлады «ҚазАқпарат» Халықаралық Ақпарат Агеттігі, ҚР Білім және ғылым министрлігінің баспасөз қызметіне сілтеме жасап.
100 шетелдік оқулықтарды қазақ тіліне аудару және басып шығару «Жаңа гуманитарлық білім. Қазақ тіліндегі 100 жаңа оқулық». Бұл жоба Қазақстан Республикасының Тұңғыш Президенті Н. Ә. Назарбаевтың тапсырмасымен 2017 жылдан бері жүзеге асырылып келеді.
Аударылған оқулықтар жұмыс бағдарламаларын жасауда, қоғамдық - гуманитарлық бағыттағы пәндер бойынша дәрістер оқуда, сондай - ақ студенттер мен оқытушылардың ғылыми зерттеулерін жүргізуде қолданылады. Жоба қазақстандық студенттерге әлемнің үздік үлгілерінен білім алуға мүмкіндік береді.
Студенттерге тарих пен саясаттану, әлеуметтану және философия, психология, педагогика, экономика, мәдениеттану және филологияның заманауи тенденцияларына сәйкес білім алу үшін жағдай жасалды.
Оқулықтар 100kitap. kz және openu. kz/kz/books сайттарында орналастырылған. Сонымен қатар, www. OpenU. kz порталында олардың негізінде қазақ және орыс тілдерінде жасалған бейне курстар бар.

Керімсал Жұбатқанов, Қазақ - Орыс халықаралық университетінің доценті, тарих ғылымдарының кандидаты