Алматы қаласы діни бірлестіктер басшыларының клубы

2019 жылғы 11 тамызда Алматы қаласы діни бірлестіктер басшыларының клубы мұсылмандарды ұлы – Құрбан айт мерекесімен құттықтады. Мұсылмандарды құттықтауға клуб жетекшісі Кәкімжан Мұратжанұлымен бірге "Бахай" қауымдастығы, "Лютеран" шіркеуі, Кришна санасы қоғамы, Рим Католик Епархиясы және индуизм өкілдері келді.
Клуб мүшелері Алматы қаласының орталық мешітіне келіп мұсылмандарды құттықтап, ізгі тілектерін білдірді. Алматы қаласының бас имамы Еркінбек қари Керімбекұлы мен мешіт имамдары клуб мүшелерін жылы қарсы алып, қонақтарды мешіт ауласындағы киіз үйдегі мерекелік дастарханға шақырды. Алматы және Алматы облысындағы Інжіл Христиан баптистер шіркеулерінің аға пресвитері - Лубошников Алексей Викторович клуб атынан библиялық Меру Локоти сыйлады.
Клуб жетекшісі Кәкімжан Мұратжанұлы мұсылмандардың екі қасиетті айт мерекесінің бар екенін атап өтті: біріншісі – ораза айт, екіншісі – Құрбан айт. Осы екі мереке әлем мұсылмандары, соның ішінде біздің халқымыз бірнеше ғасырлар бойы тойлайды. Оның мақсаты - Алла тағаланың бұйыруын орындау арқылы ризашылығы мен мейірімділігіне ие болу. Сондай - ақ, ол біздің клубымыз Құрбан айт мерекесіне екінші рет жиналып, бұл үрдіс дәстүрге енетінін айтты.
Алматы қаласы Орталық мешітінің бас имамы Еркінбек қари Керімбекұлы барша жиналғанды Құрбан айт мерекесімен құттықтады. Ол мереке бейбітшілік, бірлік және келісім сияқты жалпыадамзаттық құндылықтарды сақтауға арналған екенін атап өтті.
Құрбан айт мұсылмандарды бірлікке шақырады, бейбітшілік пен жақсылықты сақтауға және нығайтуға ықпал етеді. Сондай - ақ, бұл қоғамдық - әлеуметтік тұрақтылықты сақтау күші бар мереке, күшті әлсіз, кедейлерге көмектесуге шақырады, бұл адамдарды мейірімділік пен қайырымдылыққа, қонақжайлылыққа шақыратын мереке, - деп қосты мешіт имамдары.
Кездесуде клуб мүшелері ҚР мемлекеттік мерекелеріне орай кездесулер өткізуді талқылады. Кездесу соңында көшбасшылар Қала күніне орай үстел теннисі турнирін ұйымдастыру және Кришнаның туған күніне бірлесіп қатысу туралы келісті.