Кескіндемедегі дақтың әсерлілігі

Сабақтың тақырыбы: Кескіндемедегі дақтың әсерлілігі
Сабақтың мақсаты:
а) Білімділік: Бейнелеу өнерінің түрлерінің бірі кескіндеменің әсерлегіш құралдары, суретші шеберлігі жайлы мағлұмат беру.
ә) Дамытушылық: Жеке тұлғаны дамыту, талдау, салыстыра білу, көру қабілеттерін жетілдіру.
б) Тәрбиелілік: Сұлулық тәрбиесі, табиғат пен өнердегі сұлулықты түсіне білу, көргенін бейнелеуге құлшындыру.
Сабақтың көрнекілігі: Иллюстрация, дидактикалық материал, альбом кітаптар, т. б
Сабақтың өту барысы:
1. Ұйымдастыру кезеңі.
2. Үйге берілген тапсырманы тексеру.
3. Жаңа тақырыпты түсіндіру.
4. Тапсырмаларды орындау.
5. Сабақты бекіту.
6. Үйге тапсырма.

Сабақтың барысы:
Кескіндемедегі басты құрал - бояу түстері болып табылады. Кескіндемеші үшін негізгі әсерлегіш құрал түс екенін біз білеміз. Алайда суретші тек түстің көмегімен ғана әсерлі туындылар жазбайды.
Қазақ суретшісі Ж. Шәрденов «Каспий жағалауы» теңіз толқынын, құм, жағалауды дақтардан «қалап» шыққан сияқты. Суретші дақты бірде тігінен, бірде көлденең, бірде көлбеу жағады.
Кескіндеме – шындықты бейнелеуде көрерменге тікелей әсер ететін өнер құралы.
Ал мына жұмысқа қарасаң, наурыздың тамаша бір күні елестейді. Айнала жарқырап, құлпырып, аяқ астындағы қардың сықырын естігендей боласың. Суретші бұл жұмысын суық және жылы түсті ірі дақтармен салған. И. Грабарь «Наурыздағы қар».
Суретшілер дақтың көмегімен әр түрлі материалдардың үстіңгі бетін – фактурасын береді. Онымен түрлі көңіл күйді көрсетуге болады. Дақ сан алуан – екпінді әрі кең, алымды, қысқа да нәзік, өткір де қуатты бола алады.
Живопись жанрларының ішіндегі ең маңызды орын алатын көркем шығарма – табиғат жанры.
Тапсырманы орындау: Тақырып бойынша сурет салу. Түстік шешім, дақтарды алу, оларды қолдану жолдарын игеру.
Сабақты бекіту: Сабақ мазмұнына байланысты оқушыларға сұрақтар қойып, жауаптар аламын.
- Сендер қандай суретшілерді білесіңдер?
- Олардың қандай шығармалары сендерге таныс?
- Өзіңнің салған жұмысыңды талдап бер.
Сабаққа қортынды жасап бағалау.
Үйге тапсырма беру: Кескіндеме өнерінің жанрларының біріне сурет сал.