Жадырап күн нұрымен қыран көгі.
Талайды тамсандырған Тұран жері.
Даласы егер дархан болмаса Алла,
Қазақтың пейілін кең қылар ма еді.
Болмаса Қаратаудай қазыналы,
Төле би үш жүзіңді сұрар ма еді.
Тұлғасы Оқжетпеске ұқсамаса,
Абылай басымызды құрар ма еді.
Тартпаса Шыңғыс тауға жыр Абайдың,
Тұлғасы таудай болып тұрар ма еді.
Тартпаса Жамбыл тауға Жамбыл бабам,
Шыңыңа шынар болып шығар ма еді.
Көркіне көз тоймаған Сәкеннің де,
Көкшемен сұлулығы сыңар ма еді.
Аспарадай асқақтап абыройы,
Түркі үшін топқа түскен Тұрар ма еді.
Алмаса Алатаудан асқақтықты,
Қонаев талай сынға шыдар ма еді.
Ер Бәукең Жуалыда жаралмаса,
Терістей текті болып туар ма еді.
Оралхан өр Алтайдан шықпаған да,
Заманы заңғар ұл деп ұғар ма еді.
Қазығұрттай қазына Шәмшінің де,
Менің елім әндері шығар ма еді.
Тумасаң Маңғыстауда Әбіш аға,
Санаңа сәулелі ойлар тұнар ма еді.
Өзіне ұқсап тудырған перзенттерін,
Қазақтың жері неткен құнарлы еді!
Олжас Отар
Жадырап күн нұрымен қыран көгі
- ramuk_b
- 17 қараша 2019
- 1124
- 0
Ілмек сөздер: Жадырап күн нұрымен қыран көгі, Олжас Отар өлеңдері
Әкелерге арнау
Өмір жолдың болса да көп астары, Әкелермен биік елдің аспаны. Қашанда да құрмет тұтқан аналар Шаңырақтың иесі олар, бастауы....Түркістан
Түркістан — екі дүние есігі ғой, Түркістан — ер түріктің бесігі ғой. Тамаша Түркістандай жерде туған Түріктің Тәңірі берген несібесі ғой....Әулиелер мекені – Маңғыстау
Отан, туған жеріміз Маңғыстау туралы тереңірек түсінік бере отырып бойына ұлттық рухты, патриоттық сезімді ұялату, өз Отанын, туған жерін сүюі, ұлтын...Асыл жарға арналған өлең шумақтары
Асыл жар, аяулы жар, құдай қосқан, Өзіңсіз көңілімді мұнар басқан. Егер де сен болмасаң, көкте күн мен, Көгімде күлімсіреп тұрар ма аспан?!...Мағжан Жұмабаев өмірі мен шығармашылығына арналған дидактикалық материалдар
Арыстанмын, айбатыма кім шыдар? Жолбарыспын, маған қарсы кім тұрар?...Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Қонақтар,тобындағы қолданушылар пікірін білдіре алмайды.