Қыран бүркіт не алмайды, салса баптап,
Жұрт жүр ғой күйкентай мен қарға сақтап.
Қыран шықса қияға, жібереді
Олар да екі құсын екі жақтап.
Қарқылдап қарға қалмас арт жағынан,
Күйкентайы үстінде шықылықтап.
Өзі алмайды, қыранға алдырмайды,
Күні бойы шабады бос салақтап.
Тиіп-шығып, ыза қып, ұстатпаса,
Қуанар иелері сонда ыржықтап.
Не таптық мұныменен деген жан жоқ,
Түні бойы күпілдер құсын мақтап.
Басқа сая, жанға олжа дәнеме жоқ,
Қайран ел осынымен жүр далақтап.
Қыран бүркіт не алмайды, салса баптап
- ramuk_b
- 10 қаңтар 2019
- 1928
- 0
Ілмек сөздер: Қыран бүркіт не алмайды, салса баптап, Абай Құнанбаев, Абай Құнанбайұлының өлеңдері
Қансонарда бүркітші шығады аңға
Қансонарда бүркітші шығады аңға, Тастан түлкі табылар аңдығанға. Жақсы ат пен тату жолдас – бір ғанибет, Ыңғайлы ықшам киім аңшы адамға....Қыран, құс, құмай, тазы, аңшылық, саятшылық, ит туралы мақал-мәтелдер
Қарға қарғаның көзін шұқымас. Жарқанатқа жарықтан қараңғы артық....Жүйрік ат, көңіл ашар қыран, тазы
Жүйрік ат, көңіл ашар қыран, тазы, Жігітті жібермейді малдың азы. Әркім-ақ жамандыққа көңіл берді, Тыятын болмаған соң мықты қазы....Қарға туралы мақал-мәтелдер
Екі сұңқар таласса, Бір қарғаға жем түсер. Тозған қазды Топтанған қарға алады....Қан сонарда бүркітші шығады аңға
Жезқазған қаласы, № 10 орта мектебінің бастауыш сынып мұғалімі Батаева Зағира Қарабекқызы...Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Қонақтар,тобындағы қолданушылар пікірін білдіре алмайды.