Сайтқа кіру Тіркелу

Жыл келді

(Көктем)
Күлімдеп қасын керіп келді жылым,
Сұлудай ақық ерін, алтын тұлым.
Көркейіп, көңілінен кетті кірбің,
Көргенде кім де болса мұның түрін.
Жел есіп өңменінен иісі әтірдей,
Көтеріп барлығы да қалды мұрын.
Жай болып жан-жануар, жайнаңдады,
Әлдилеп ана алғандай алдына ұлын.
Шат болып шамадан тыс шалықтады,
Шашқандай шашу қылып інжу, дүрін.
Жайғандай жасыл қамқа жасарып жер,
Жіберді жарқыратып көздің нұрын.
Толқындап теңіз тасып, бұлақ қайнап,
Буланып бау мен шарбақ шашты гүлін.
Түнде - шық, күндіз - қара нөсерменен,
Көкте тұр көтерумен гүлдер кірін.
Сәһәрда сандуғаш пен бұлбұл сайрап,
Қой қоздап, туып жатыр жылқы құлын.
Аспанда ел біткеннің екі көзі,
Есітіп қаңқылдаған қаздар үнін.
Қуанып: «Құтылдық,- деп, - қыс күнінен!»
Түлкілер төкті түгін , малдар жүнін.
Қыбырлап құрт-құмырсқа қаптай өріп,
Тазалап тышқандар да қойды інін.
Мәз-майрам мақұлықаттар болып қалды,
Уайым ұмытылып өткен бұрын.
Мың түрлі минутында гүл құбылды,
Қыздардай күйеулері келген ұрын.
«Етсін, - деп, - мезгілінде халық пайдасын!»
Ұзартты табиғат та тағы күнін.
«Жатсын, - деп, - жанның бәрі рақатта!»
Сияқты құс мамықтай етті түнін.
Дегендей: «Сый сатулы»,сендер де шаш,
Бар болса қаптарыңда арпа, сұлың!
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мұқағали Мақатаев, Мұқағали Мақатаевтың өлеңдері, Ресей, Русский язык, Сабақ жоспары, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, ертегі, математика, математикадан сабақ жоспары, нақыл сөздер, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету