Тауық тағы таң атпай айқайлады,
Тарап кетті тәтті ұйқы балқаймағы.
Көзімді ілмей төсекте дөңбекшимін,
Түседі де ойыма қай-қайдағы.
Үлкейгем бе, күніне жүз ойланам,
Ажал шіркін кіжінген ұдай маған,
Жебеп бақты әрдайым ата-бабам,
Оң қарапты әуелден құдай маған.
Құдай маған әуелден қарасқан-ды,
Қарасқасын - тірлікке жарасқамды,
Жараспасам - шалқайып жүрер ме едім,
Тастайтындай төңкеріп бар аспанды.
Жүрер ме едім шіреніп, басқа болсам,
Соры аумаған маңдайдан қасқа болсам,
Жетер ме едім бұл күнге, жетпес пе едім,
Жауқазындай жайнамай жастай солсам.
Солатындай басымнан шақ өтіпті,
Алды-артыма қара ертпей, тақ етіпті.
Бұл дүниеден із-түзсіз өтер ме едім,
Сабырымды сарқылмас саба етіпті.
Сабырымның сабасын сарықпаппын,
Сабырға еріп ақ жүріп, анық бастым.
Сағат сайын санамды сабыр билеп,
Ауыз ашсам, "сабыр" деппін, жалықпаппын.
"Сабыр, Сабыр!" - айтарым сасқанда да,
"Сабыр! Сабыр!" - айтқаным тасқанда да .
Сабырды ойлап, сақ жүріп, сақтап қалған,
Тағдыр талай құрылған қақпаннан да.
Сасқанда да сақтаған сабыр, сабыр...
Тасқанда да сақтаған сабыр, сабыр...
Сабыр сақшым болмаса, кім біліпті
Әлдеқашан жұтар ма еді аран қабыр.
Тауық тағы таң атпай айқайлады
- ramuk_b
- 8 қазан 2018
- 1626
- 0
Ілмек сөздер: Тауық тағы таң атпай айқайлады өлеңі, Әбіш Кекілбаев өлеңдері
Ал, дүние, өтеріңді біліп едім
Ал, дүние, өтеріңді біліп едім, Білдірмей серілік пен жүріп едім. Бұл күнде арық қойдан бағам кейін, Үш жүзді сайран қылған Біржан едім....Бес қымбат
«Ең әуел керек нәрсе иман»-деген, «Ақырет iстерiне (ишларына) инан!»- деген! «Құдай кешiрер!»-дегенмен, iс бiтпейдi, «ИМан шартын бiлмесе,...Қазақтың жеті санға ерекше көңіл бөлгені
Жеті жетекші: 1. Адамның басшысы - ақыл 2. Жетекшісі - талап 3. Жолаушысы - ой 4. Жолдасы -кәсіп 5. Қорғаны - сабыр 6. Қорғаушысы - мінез 7....Тағдырдан қайта-қайта жесем таяқ
Тағдырдан қайта-қайта жесем таяқ, Көремін талайымнан некен-саяқ. Оңаша оқшау кетіп ой толғаймын, Құлаққа кірмесін деп бөтен хаят....Ашу - дұшпан, ақыл - дос
Степногорскі қаласы, №2 Ақсу орта мектебі. Бастауыш сынып оқытушысы: Мырзабекова Ұ. Т....Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Қонақтар,тобындағы қолданушылар пікірін білдіре алмайды.