Өлең жинақтары

Жеңеше мен қайын сіңлі диалогы

Жеңеше,
Сіз білесіз бе?
Ағам сізді біздің үйге әкелерде,
Бақытқа қадам басып жетелерде,
Мен қарсы болғам
Ең жаманы пенденің деп ойлағам.
Болар бәлкім келіні үйдің ең жаман.
Мүмкін болар қызғаншақта сараңда,
Өзі үшін қу айлакер бола ма?
Өтірікші, арам пиғыл болып ап
Алданды ма менің байғұс ағам да?
Ағам бірақ құптамады ойымды,
Тыңдағысы келмеді бұл сөзімді.
Ашуланып, кетті дағы бұлданып,
Алып келді мына отырған өзіңді.

Бұрын сезгем осында келгенімде,
Ашуланып бұлтиып жүргеніңде.
Көп тырыстым қызындай болу үшін,
Алтындай асыл болған ата - енеме.
Досыңдай болғым келді бір өзіңе,
Ойлағам бауыр басар жүре келе,
Еркетай, айтшы маған бұл сөздерің,
Бағытталып өзге жаққа өзгерді ме?
Әлде мені соншама жек көрдің бе?

Жо - жоқ жеңге,
Сол күні орамалды таққаныңда,
Пейішім босағаны аттағанда,
Ойым - дағы өзгерді сізді көріп,
Періштедей ақ көңіл, жылы жүзді.

Еркем, сен менің құрбымдайсың бала күнгі,
Сырласпастан өткіздік қанша түнді,
«Жеңешелеп» жүретін тәтті үніңді,
Еркелігің санайын қылығыңды.

Жеңеше, мен сізге таң қаламын,
Қалайша тез үйрендің салт алабын.
Орысша білім алып оқысаң да,
Қазақтың салт дәстүрін аттамадың.

Күлімдеп жүрші жеңеше әр күн сайын,
Татулықта жүрейік біз әрдайым.
Ақылыңнан айналдым еркетайым,
Қызғалдақтай құлпырып жүр әр дайым.

Ұмытылып кетеді өткен күнде,
Сіңлім, жеңешеңе бақыт тіле.
Асты - үстіне түсетін жан ағаңның,
Еш бір адам жетпейді жеңешеңе!

Батыр ата бейнесі

Ғылым – теңіз тым терең бойлағанға,
Көңілде сәуле ұялар ойлағанға.
Ұстаздың ұлылығын бойға жиған,
Батырдың бейнесі тұр ой санамда.

Санадағы ойларды саралағын,
Жүрек төрін үңіліп аралағын.
Көзден кетті, көңілден кеткен емес,
Батыр ата бейнесін ұмытпағын.

Ұмытылмас ерлігің мәңгі өнеге,
Ұлы тұлғаң жоғалмас көңілден де.
Сан ғасырлық тарихы мол ерлікті
Мақтан етер алтын ұя мектебімде

Күллі ұрпағың өзіңді ұмытпайды,
Еске алып ерлігіңді ұлықтайды.
Әрдайым Батыр – Ұстаз еске түсер,
Көргенде көктегі үлкен жарық айды.

Ерлік, елдік батырлықтың бесігі,
Тарих толы әр алаштың есігі.
Ұлы мекен мектебіме берілді,
Батыр ата - Қожабайдың есімі.

Ұрпаққа мұра еткен батырлығын,
Мақтан етер, «қазақ» атты халқың бүгін.
Ұлы жол - сара жолды жалғастырып,
Жырлайды сізді бүгін ақын қызың.