4 цифрымен танысу. Үлкен, кіші.

Білім саласы: Таным.
Ұйымдастырылған оқу іс - әрекеті: Қарапайым математикалық түсініктерін қалыптастыру.
Тақырыбы: 4 цифрімен танысу. Үлкен, кіші. Баланың зейінін дамыту.
Мақсаты: 4 цифрін 4 санының таңбасы ретінде таныстыру; 4 цифрінің сандық қатардағы орнын анықтау; «үлкен», «кіші», «кішкентай» сөздерін пайдалана отырып, заттарды көлеміне қарай салыстыруды үйрету; баланың зейінін дамыту.
Әдіс - тәсілі: әңгімелесу, сұрақ - жауап.
Көрнекілігі: үлкен, кішкентай заттардың салыстыруға арналған суреттері, цифрлар карточкасы, шарлар, ойыншықтар, геометриялық пішіндер, асық, кубиктер.
Барысы:
Тәрбиеші: Жұмбақ.
! Әйгерім өз себетіне,
Үш саңырауқұлақ салды.
Қарап жүрмей тағы да,
Тап қасынан біреуін алды.
Жоғалтпайық уақытты,
Бізге тек санау ғана қалды.
Балалар: - 4 саңырауқұлақ.
Тәрбиеші: - Балалар, көңіл - күйлерің қалай?
Балалар: - Тамаша.
Тәрбиеші: - Олай болса, «Тамаша» ойынын ойнап жіберейік. Ойынның шарты: мен сендерге сөз айтсам, сендер «тамаша» деп, жұдырықты түйіп, бас бармақтарыңды көтеріңдер.
Тәрбиеші: - Біздің топтың балалары қандай?
Балалар: - Тамаша.
Тәрбиеші: -«Қыс» мезгілі қандай?
Балалар: - Тамаша.
Тәрбиеші: -«Қар жауған» қандай?
Балалар: - Тамаша.
Тәрбиеші: - Менің айтып тұрған сөздерім қандай?
Балалар: - Тамаша.
Тәрбиеші: - Жақсы балалар, бүгінгі күніміз де осындай тамаша өтсін!
Тәрбиеші: - Балалар, қазір жылдың қай мезгілі?
Балалар: - Қыс.
Тәрбиеші: - Бір жылда неше мезгіл бар?
Балалар: - Төрт мезгіл.
Тәрбиеші: - Балалар, үстел үстінде геометриялық пішіндердің ішінен өздерің таңдаған пішінді алыңдар. (Балалар өздері таңдаған пішінді алады).
Тәрбиеші: Үшбұрышты алған балалар бір топқа, төртбұрышты алған балалар екінші топқа отырамыз. (Балалар екі топқа бөлініп орындарына отырады).
Тәрбиеші: - Балалар, біздің топқа қонақ келіп тұрған сияқты. Қане, кім екенін қарайықшы. «Ой қозғау»
Тәрбиеші: - Бізге қоян қонаққа келіпті. Қоян көптеген тапсырмалар ала келіпті.
1 - тапсырма:
Төртбұрышта неше бұрыш, неше қабырға бар?
Балалар: - 4 бұрыш, 4 қабырға.
2 - тапсырма:
Логикалық есептер.
1) Машинаның дөңгелегі нешеу?
Балалар: - 4 дөңгелек.
2) Үй жануарларында неше аяқ бар?
Балалар: - 4 аяқ.
3) Бағдаршамда неше көз бар?
Балалар: - Үш көз.
4) Аспанда неше күн бар?
Балалар: - Бір күн.
3 - тапсырма:
- Үйшікте тату - тәтті 4 қоян өмір сүріп жатыр. Осы қояндарға жететіндей сәбіздерді жолақшаға орналастыр. (Балалар 4 сәбізді жолақшаға салады).
Тәрбиеші: - Біз бүгін 4 санымен танысып отырмыз. Барлығымыз төртке дейін тура және кері санайық.
Балалар: - 1, 2, 3, 4
4, 3, 2, 1
Ойын: «Көршісін тап» (Балалар ойынға қатысады)
Тәрбиеші: - Екі қатарда да төртбұрыштар орналасқан. Қанша екенін санайық. Көлемдері қандай?
Балалар: - Үлкен, кіші.
Тәрбиеші: - Біз қоянның қандай тапсырмаларын орындадық? (Тәрбиешінің сұрағына жауап береді).
Тәрбиеші: - Бүгінгі ҰОІӘ - де неше санымен таныстық?
Балалар: - 4 санымен таныстық.
Тәрбиеші: - Қандай тапсырмалар ұнады? (Балалар өздеріне ұнаған сәттерді айтады)

Жақсы қатысқан балаларға жүрекше тапсыру.
Қорытынды: 4 цифрін, «үлкен», «кіші», «кішкентай» сөздерін білді; 4 цифрін өзге сандардың арасынан табуды игерді; 4 цифрі туралы түсінікті меңгерді.