Менің Қазақстаным

Тақырыбы: «Менің Қазақстаным»

Мақсаты: Балаларға Қазақстан туралы білім беру. Қазақстан Республикасының картасымен таныстыру. Қазақстан Республикасының
жеріне құрметпен қарауға, туған елін, жерін сүюге тәрбиелеу.
Көрнекіліктері: Қазақстан Республикасының рәміздерінің суреті, картасы.

Шаттық шеңбері: Балалар бір - бірімен амандасып шығады.
Сәлем сөздің анасы.
Сәлеметсіздер ме балалар?!
Қазақстан Республикасының Мемлекеттік Әнұранымен басталады.
(Балалар орындарынан тұрып әнұранды айтады.

Сұрақтарға жауап алу.
— Қазір жылдың қай мезгілі?
— Күзде қандай өзгерістерді байқайсыңдар?
Бүгінгі тақырыбымыз: «Менің Қазақстаным» еліміздің республика күні туралы болады.

Кіріспе әңгіме
— Балалар, біздің Республикамыз қалай аталады?
— Бас қаламыз қай қала?
— Біздің елбасымыз Қазақстан Республикасының тұңғыш президенті — Нұрсұлтан Әбішұлы Назарбаев. Нұрсұлтан Назарбаев — өзі еңбекқор, білімді, ізденімпаз. Ол өзінің осындай еңбекқорлығының арқасында мемлекетіміздің мықты басшысы бола білді. Қазіргі президентіміз – Қасым - Жомарт Кемелұлы Тоқаев. Әрбір республиканың өз ерекшелігін білдіретін әнұраны, туы, елтаңбасы болады. Оны рәміздер деп атаймыз.

СЕРГІТУ СӘТІ:
Бір шаңырақ астында,
Тату - тәтті тұрамыз.
Бірге ішеміз асты да,
Бірге сайран құрамыз.
Достықты үлгі санаған,
Бір үйде біз тұрамыз.
Қалған ата - бабадан.,
Бірлік асыл мұрамыз!

Оқу барысы: Балалар бұл Қазақстан республикамыздың жері – картасы. Карта ол біздің жеріміздің кішірейтілген үлгісі. Біздің жереміз қаншалықты кең болса да, картаға кішірейтіліп салынады. Картада еліміздің жер, су, қалалары көрсетіледі.

- Балалар қазір біз осы Қазақстан Республикамыздың картасын А1 қағазына гофр қағазын, желімді пайдаланып жасаймыз. (қажетті құралдар: А1қағазы, желім, гофр қағазы)
Қорытынды:
«Ыстық доп» әдісі.
— Бүгінгі оқу қызметі саған ұнады ма?
— Қазақстан Республикасының президенті кім?