Орта мерзімді жоспарлау туралы жазба

В1 есебі
Орта мерзімді жоспарлау туралы жазба
Орта мерзімді жоспарлау қалай жүргізіледі?
Бағдарламадан күтілетін нәтижелер оқушылардың қалай оқу керектігін үйреніп, соның нәтижесінде еркін, өзіндік дәлел – уәждерін нанымды жеткізе білетін, ынталы, сенімді, сыни пікір – көзқарастары жүйелі дамыған, сандық технологияларда құзырлылық танытатын оқушы ретінде қалыптасуын қамтиды. (МАН, 6 - бет) Осы орайда екінші мектептегі тәжірибе кезінде бірінші бетпе – бет кезеңіндегі алған теориялық білімді пайдалана отырып, тізбектелген сабақтар топтамасын яғни «орта мерзімді» құрастырдым. Орта мерзімді жоспарлаудың басты мақсаттары:
• Жұмыс кезеңдерінің дәйекті, тізбектеліп ұйымдастырылуы;
• Сыныпта сабақ беру практикасына жеті модульді ықпалдастыру;
• Оқытудың әрбір кезеңінің басынан бастап соңына дейін алға ілгерілеудің болуын қамтамасыз ету;
• Барлық оқушыларды қамту үшін асқан ептілікпен болуы қажет (МАН, 91 - бет).
Орта мерзімді жоспарлауды жасағанда әрбір сабақ мақсаты мен күтілетін нәтиже арасындағы байланыс болуын ескердім. Жоспар 6 - сынып, математика пәні бойынша «Рационал сандар» тарауының 4 тізбектелген сабағына құрастырылды. Жоспарда Бағдарламаның 7 модуль идеяларын өзара ықпалдасуын жүзеге асыруды жөн көрдім. Яғни оқушылардың әрбір іс - әрекеттері мен бірлескен жұмыстарын жоспарлап, жас және жеке ерекшеліктеріне сай әдістер мен формативті бағалау түрлері мен стратегияларын енгізуді мақсат еттім.
Орта мерзімді жоспарлауды дайындағанда тапсырмалар барлық оқушылардың қажеттіліктерін қамтитындай болуы маңызды.
Тізбектелген сабақтар топтамасын немесе ОМЖ кім үшін жасалып жатқанын, оқушыларға нені үйрету керек екенін және оқытудың әдіс - тәсілдері мен қандай түрлерін пайдалану қажет екенін ескердім. Сол кезде ғана орта мерзімді жоспарлауда Бағдарламаның жеті модуль идеяларының қаншалықты ықпалдасқаны, мақсаттары айқын болғаны 4 сабақтың мазмұнын жүйелі құруға көмегі тиетіні сөзсіз.
Нәтижесінде: Бағдарламадан күтілетін нәтижелер оқушылардың қалай оқу керектігін үйреніп, соның нәтижесінде еркін, өзіндік дәлел - уәждерін нанымды жеткізе білетін, ынталы, сенімді, сыни пікір - көзқарастары жүйелі дамыған, сандық технологияларда құзырлылық танытатын оқушы ретінде қалыптасуын қамтиды.
Сонымен қорыта айтқанда орта мерзімді жоспарлауда негізгі мақсаттары нақты жүйелі болған кезде, нәтижесі жемісті болады.