Мақал-мәтелдер » Бет 6 » Білімділер сайты

Қыс, жаз туралы мақал-мәтелдер

Көліне қарай - қазы,
Қысына қарай - жазы.

Жазда жайлауды же,
Қыста қойнауды же.

Аянбаған жауды алар
Абайлаған дауды алар.

Даттаушы түгел жау емес,
Мақтаушы түгел ел емес.

Тікенексіз болса,
Әтіргүл болар ма.

Гүлдің орны – бұта,
Төлдің гүлі – бота.

Сексенде сегіз байлық,
Сегіз жарлылық.

Шөп те басынан қурайды.

Адам болам десең, арыңды ақшаға сатпа.

Ақшаның жайын жарлыдан сұра,
Адамның жайын арлыдан сұра.

Ескіні жамағанның
Есі кетеді.

Ескіні есіңе алмай,
Жаңа жадыңа түспейді.

Жоқты бар десең – құт болар,
Барды жоқ десең – жұт болар.

Қанағат қарын тойғызар,
Қанағатсыз жалғыз атын сойғызар.

Дәулетіне қарай сәулеті.

Дәулетті ел — сәулетті.

Бұлаққа бұлақ қосылса,
Егізбіз дейді.
Көлге көл қосылса,
Теңізбіз дейді.

Ажалды киіктің
Аяғы тыныш жатпайды.

Жазмыштан озмыш жоқ.