Құрылтай сайлауы

2026 жылғы 23 тамызда өткен Құрылтай сайлауы заң шығару моделінің өзгеруімен ғана шектелмей, Қазақстан университеттерінің қоғамдағы ықпалын жаңа, жоғары деңгейге көтеріп отыр.
Мемлекет басшысы Қасым - Жомарт Тоқаев Қазақстан халқына Жолдауында атап өткендей, еліміздің болашағы ғылым мен білімнің дамуына және ұлттың жаңа сапасын қалыптастыруға тікелей байланысты.
Заманауи адам өзгенің пікірін тыңдай білуі, маңызды мәселелерді талқылауы және дұрыс шешімдерді бірлесе іздей алуы керек. Бұл әсіресе студенттер үшін маңызды. Өйткені университет – тек білім алатын орын ғана емес, сонымен қатар қарым - қатынас орнататын, көшбасшылық қабілеттерді дамытатын және азаматтық ұстанымды қалыптастыратын орта.
Қазақстанның жетекші білім және ғылым орталығы – әл - Фараби атындағы Қазақ ұлттық университеті дәстүрді сақтай отырып, инновацияларды енгізу арқылы осы стратегиялық міндеттерді жүзеге асыруға өзінің барлық ресурстарын бағыттап келеді.
Құрылтай шешімдері аясындағы әл - Фараби атындағы ҚазҰУ - нің негізгі басымдықтары:
* жастардың еңбекқорлық, адалдық, отансүйгіштік және білімге деген ұмтылыс қасиеттерін қалыптастыру;
* ғылым мен технологияларды дамыту, ғылымды өндіріспен ықпалдастыру, тарихи - мәдени мұраны сақтау;
* жаһандық сын - қатерлерге жауап бере алатын жаңа буын мамандарын даярлау.
Заманауи университетті қазіргі Құрылтаймен салыстыруға болады. Мұнда да әртүрлі көзқарастары мен қызығушылықтары бар адамдар бас қосып, идеяларын талқылайды, жобаларға қатысады және болашақты бірге қалыптастырады.
Сондықтан Құрылтай дәстүрі бізге бірліктің, өзгенің пікірін құрметтеудің және қабылдаған шешімдеріміз үшін жауапкершіліктің маңызын еске салады. Бұл құндылықтар әсіресе жастар үшін аса маңызды және қазіргі қоғамның дамуына берік негіз бола алады.

Шетелдіктердің тілдік және жалпы білім беру дайындығы кафедрасының аға оқытушылары: Р. С. Туребекова, М. П. Ешимов