Келін туралы мақал-мәтелдер

Әдепті келін - ауылдың көркі

Келінді келін демесең,
Жақсы болса өз қызың.
Күйеуді күйеу демесең,
Жақсы болса өз ұлың.

Өлген түйенің басымен
Тірі келінді қорқытпа.

Қойшының — таяғынан,
Келінің — аяғынан.

Ұрысқақ болса, ұлың жау,
Керіскек болса, келін жау.

Төркіні тентек келіннің
Тілі ұзын
Төркіні момын келіннің
Жібі ұзын.

Келіні жақсы үйдің —
Керегесі алтын.

Баланың өзі болғандай,
Келіннің өзі келгендей.

Келіннің сөзі кетпендей,
Баланың сөзі батпандай.

Отқа келген келіннің
Отыз ауыз сөзі бар.

Келін жаман емес, келген жері жаман.

Келін — келін, келін — бақ,
Келмей жатып, сөзін бақ.

Келіннің бетін кім бұрын ашса,
Сол ыстық.

Жақсы келін құрдасыңдай болар,
Жақсы ұлың сырласыңдай болар.

Баланы жастан,
Келінді бастан тәрбиеле!

Жақсы келін — қызыңдай,
Жақсы күйеу — ұлыңдай.

Келін кейін отырар болар,
Көтерілуге бейім отырар болар.

Қызым келіннен ғибрат алып өседі,
Ұлым елімнен ғибрат алып өседі.

Жақсы енені
Жаман келін жер қылады.
Жақсы келін
Жаман енені ел қылады.

Қызым саған айтам, келінім сен тыңда.

Келіні жақсының керегесі алтын.

Келінің жаман болса, ұлыңнан көр.
Күйеуің жаман болса, қызыңнан көр.

Келіншектің бетін кім бұрын ашса сол ыстық.

Жақсы үйге түскен - келін болады,
Жаман үйге түскен келін - келсап болады.

Қатынның шайпау болғаны – болмағаны,
Келіннің шайпау болғаны – оңбағаны.

Келін қайын енесінің топырағынан жаралады.