Сайтқа кіру Тіркелу

Өлім, өмір, туралы мақал-мәтелдер

Туысқан өкпеге тепсе де өлімге қимайды.

Өлім деген – ұзақ жолдың алысы.

Өлім байдың барын шашады, жоқтың артын ашады.

Мысықтың өлімі - тышқанға той.

Өлім деген - ұзақ жолдың алысы.

Ажалды киік адырға қашады.

Ажалды киіктің
Аяғы тыныш жатпайды.

Өлеңді жерде
Өгіз семіреді,
Өлімді жерде
Молда семіреді.

Қайрат деген қыран бар
Өлімге күш бермейтін.

Өлім байдың малын шашады, жоқтың көтін ашады

Жалаң бұттың өлімі шөптен,
Жалаң сөздің өлімі көптен.

Елшіге өлім жоқ,
Өлеңшіге өкім жоқ.

Өлген — моладан қорықпайды.

Өлім — ойран,
Өмір — майдан.

Біреуге өлім тілегенше
Өзіңе жүрім тіле.

Өлім деген ойран,
Өмір деген майдан.

Орта жолда атың өлмесін
Орта жолда қатының өлмесін.

Адам өмірге
Иықтап келеді,
Кетерінде «ұйықтап» кетеді.

Өлсең көрің көң болсын,
Тіріде терің кең болсын.

Өлімнен қорлық жаман.

Шамасыз батырлық —
Шарасыз өлім.

Әкесі өлгенді де естіртеді.

Қатыны өлген мен байы өлген қосылса:
Күндіз екеу,
Түнде төртеу.

Кісі өлтіретін пышақты
Кісі көрмейді.

Әкеңнің өлгенін жасырсаң, көмгенде қайтесің?

Ер бір өледі, ез мың өледі.

Ер жігіт үйде туылып, түзде өлер.

Өзің өлсең өл,
Жолдасыңды жауға берме.

Ұйқы өліммен тең.

Байды өркөкіректік өлтірер.

Қарғыстан кісі өлмейді.

Тіріде сыйласпаған,
Өліде жыласпайды.

Өлімнен басқаның ертесі жақсы.

Көшемін деп отыныңды тауыспа,
Өлемін деп азығынды тауыспа.

Өнерге өлім жоқ,
Жалқауға жарық жоқ.

Ұйқы менен өлім тең.

Абайламай сөйлеген ауырмай өледі.

Өмір соңы - өлім.

Қартайып өлсең қапыл жоқ.

Жә еріншек өлер, жә көңілшек өлер.

Өлерменнің көзі жаман.

Мысыққа ойын керек, тышқанға өлім керек.

Шошқа өле жатсада "құрқ" етерін қоймас.

Өлмеген құл алтын аяқпен су ішер.

Өшкен келмейді, өлген тірілмейді.

Өлім - ортақ, жау - серік.

Байдың қатыны өлсе төсек жаңғырар,
Жарлының қатыны өлсе басы қаңғырар.

Өлген келмес, төгілген толмас.

Тасты жапалаққа ұрсаң да жапалақ өледі,
Жапалақты тасқа ұрсаң да жапалақ өледі.

Ата өлсе де атаны көрген өлмесін.

Ант ішкеннің мыңы өледі, у ішкеннің бірі өледі.

Өжет адам өлімді жеңеді.

Өлімнен қорықсаң өлерсің.

Қажы өлсе, түйеден жүк кемиді.

Батырдың көзі өмірге түседі,
Қорқақтың көзі өлімге түседі.

Ерлік өлім - ерді көбейтеді.

Өнерліге өлім жоқ.

Қорқақтық — өліммен ағайын.

Қырылдағаның — өлгенің.

Өлім тілесең – Ғиланға бар.
Атақтының ұяты –
Кедей өлімінің бір аты.

Өлімге төзгенге
Безгек түк емес.

Сенен де өлемін,
Сенімен де өлемін.

Кемпірі өліп еді,
Кекірігі де таусылды.

Зымыраған ғұмырға адам тоймас,
Мәңгі сүрмес, бір күні өлмей қоймас.

Өлермен өгіз балтадан қорықпайды.

Дәрісі бардың кәрісі де өлмейді.

Қыбырсыз жатып өлгенше,
Қыбырлап атып өл.

Болар - болмас өліпті,
Ат шаптырып қойыпты.

Ер жігітке өлім бар да, қорлық жоқ.

Жапалақты таспен ұрса да,
Жапалақ өледі.
Жапалақпен тасты ұрса да,
Жапалақ өледі.

Дұшпанға өлім тілегенше,
Өзіңе өмір тіле.

Жасырған кеселді өлім әшкерелейді.

Ерегістен ер өледі.

Бозына болса, ботам менің өлер ме еді.

Жан бергеннің қасында тұрма.

Елшіге өлім жоқ,
Күлде көмір жоқ.
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мұқағали Мақатаев, Мұқағали Мақатаевтың өлеңдері, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, ағылшын тілінен сабақ жоспары, бала-бақша, балабақша, бастауыш сынып, баяндама, биология, география, дүниетану, математика, математикадан сабақ жоспары, нақыл сөздер, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету