22 қыркүйек тілдер мерекесімен құттықтау

Аса қадірменді қазақ жұрты, сіздерді бүгінгі келіп жеткен тілдер күні мерекесімен шын жүректен құттықтаймын. Тіл – кез келген ұлт пен халықтың, жалпы адамзаттың негізгі қатынас құралы. Тілсіз өмір сүру мүмкін емес. «Ұлтты жоям десең, әуелі тілінен баста» - деген ойдың астарында терең мағына жатыр. Расымен халқымыздың, дініміз бен діліміздің негізгі түп қазығы, ол – біздің ана тіліміз.

Тіліміз бен ұлтымыздың жойылмауының жолында қаншама жанның құрбан болғанын ескерсек, ана тіліміз бен ата дәстүрімізге салғырт қарауға ешбіріміздің құқығымыз жоқ екенін аңғарамыз. Қадыр Мырза Әли атамыз айтпақшы, өзге тілдің бәрін білсек те, өз тіліміздің қадірін ең биігіне шығарайық. Зайырлы, тәуелсіз, көпұлтты, берекелі еліміз, отанымыз Қазақстан жасай берсін! Басқа ұлт өкілдерімен достастығымыз арта берсін! Ең басты қарым – қатынас құралына айналған тілдеріміз жасай берсін! Тілдер күні мерекесі құтты болсын!

Бақытымыз баянды болу жолында аянбай тер төгіп, әр 15 күн сайын жойылып кетіп жатқан тілдер қатарына қосылмау амалын жасауымыз қажет. «Өзге тілдің бәрін біл, өз тіліңді құрметте» сөзін жаттап өскен ұрпақ осы ұғымды тілмен ғана емес, іспен дәлелдегей. Өз ана тілін жетік білетін нағыз қазақтар көбейе берсін.

Әлемде өзге ұлттың қас-қабағына жәутеңдеп, еркін жүріп-тұра алмайтын, азаттықты аңсаған жұрт қаншама. Олармен салыстырғанда біз ата-баба аманатына қиянат келтірмей, қазақ тілімізді қаймағын бұзбай сақтаған бейбіт те тәуелсіз, бақытты халықпыз.

Қазақстан халқының тілдері күні Құтты болсын! Мол жақсылық болсын. Қазақша сөйлеп, қазақша ән айтайық!