Алдаркөсе мен Шықбермес Шығайбай

Атырау облысы, Құрманғазы ауданы,
Ш. Уалиханов негізгі орта мектебінің
бастауыш сынып мұғалімі Мустафина Айнур Еркиновна

Әдебиеттік оқу
Тақырыбы: Алдаркөсе мен Шықбермес Шығайбай
Мақсаты: Адам бойындағы жағымды - жағымсыз қылықтарды ажыратып, оған өз көзқарасын, ойын айтуға үйрету. Теңеу туралы түсінік қалыптастыру.
Жетістік критерийі • Адам бойындағы жағымды - жағымсыз қылықтарды ажыратады.
• Өз көзқарастарын, ой - пікірін айтады.
• Теңеу туралы біледі.
Сілтеме: Әдебиеттік оқу, 4 сынып. Әдебиеттік оқу әдістемесі, 2015 жыл.
Күтілетін нәтиже:  Аңызды оқи отырып, өз көзқарасын, ойын жеткізуді;
 Проблемалық сұрақтарды шеше білуді;
 Сөздікпен жұмыс жасай алуды;
Ақпарат көздері, қолданатын материалдар: А3 форматтағы қағаздар, маркер, стикер, бағалау парақшалары.
Қолданылатын әдіс - тәсілдер:

Оқыту әдіс тәсілдері: топпен жұмыс, бірлескен оқу.
• «Сен – маған, мен - саған» әдісі
• «Әткеншек» әдісі
• ДЖИГСО әдісі
• «Ыстық орындық»
• БАП әдісі
• «Соңғы 1 минут»
Модульдердің ықпалдасуы:
Қалай оқу керектігін үйрену, сыни тұрғыдан ойлау, АКТ, Жас ерекшелік,
Оқу үшін бағалау және оқуды бағалау, Диалогтік оқыту.

Сабақтың барысы:
Мұғалім әрекеті:
Тапсырмалар береді.
Ұйымдастыру. 2 минут
Оқушыларды геометриялық фигуралар арқылы топқа бөлу.
Шаттық шеңберін құру. «Ыстық алақан» арқылы бір - біріне сәттілік тілеу.
Қызығушылығын ояту 3 минут
Топтарға бөлу:
Қима қағаздар арқылы топқа бөлу.
Білу.
«Сен – маған, мен - саған» әдісі 3 минут
1 - топқа: Аңыз дегеніміз не? Оның басқа шығармалардан қандай ерекшелігі бар?
2 - топқа: Аңызда кімдер жайында айтылады? Басты кейіпкерлері кімдер?
3 - топқа: Аңыздың басқа шығармалардан (мысалдан, ертегіден) қандай айырмашылығы бар?

Түсіну.
«Әткеншек» әдісі 3 минут
Аңыз туралы және «Алдаркөсе мен Шықбермес Шығайбай» аңызындағы кейіпкерлерді жаздыру.

Қолдану.
Оқулықпен жұмыс
ДЖИГСО әдісі 7 минут
Мәтінді бөлікке бөліп оқып, бір - біріне айту

Талдау.
«Ыстық орындық» 12 минут
Сұрақ - жауап:
• Аңыздың басында Шықбермес Шығайбай туралы оқығаныңда, көз алдыңа қандай адам елестеді?
• Шықбермес Шығайбайды алдау үшін Алдар қандай қулыққа барды?
• Шығайбайдың үй іші түгелімен сараң адамдар екенін олардың қандай әрекеттерінен, қандай сөздерінен байқауға болады?
• Бүгінгі күні Шығайбай секілді адамдар бар ма?
Жинақтау.
БАП әдісі(басқа адамдардың пікірі) 7 минут

1 - топқа: Алдар Шығайбайдың үйіне кіріп келгенде, жасырып қойған дүниелерін неге теңегенін табу.
- Жыланның жуандығы қандай?
- Жыланды ұрған тастың үлкендігі қандай?
- Былш етіп иленіп түскенін неге теңейді?
- Сақалының жұлынғанын неге теңейді?
2 - топқа: Шығайбай отбасының әрекетінен нені байқадың, өзіңе қандай ой түйдің?
Алдардың Шығайбайды неше рет және қалай алдағанын табу.

3 - топқа: Алдаркөсе Шығайбайды бірнеше алдаған кезде алдына қандай мақсат қойды? Мақсатына жетті ме?
«Егер мен Шығайбай болсам, не істер едім?» деп өзін кейіпкердің орнына қойып, эссе жаздыру.
Бағалау. «Соңғы 1 минут» З минут
Алдаркөсе мен Шығайбай әрекетіне баға беріп, «Егер мен оның орнында болсам...» деген ойды әрбір оқушы өз ойымен толықтырады.
Сабақты қорытындылау.
Рефлексия бөлімі. 2 минут
Жазбаша кері байланыс орнату.
Бүгінгі алған білімдеріңіз толықты ма? Өздеріңізге не алдыңыздар?
Теңеу дегеніміз екі нәрсенің ортақ сипатын, белгілерін табу, ұқсату.

Үйге тапсырма: Алдаркөсе туралы мәлімет жинақтау.
Бағалау. 2 минут
Қалыптастырушы бағалаулар:
 «Бағдаршам» арқылы
 Табыс критерийі арқылы
 Өзін - өзі бағалау.
Жиынтық бағалау