Сайтқа кіру Тіркелу

Шығыс септік

Сабақтың тақырыбы: Шығыс септік 73 - 79 жаттығулар
Сабақтың мақсаты:
1. Септік түрлерімен таныстыру. Оларды ажырата білуге жаттықтыру.
2. Ой - өрісін, өзіндік іс - әрекеті мен шығармашылық қабілетін дамыту, ойын, пікірін еркін айтуға үйрету.
3. Елін, жерін сүюге, үлкенді сыйлауға құрметтеуге, адамгершілікке, ұйымшылдыққа, ізденімпаздыққа, жолдастық қарым - қатынасқа үйрету.
Әдісі: топтық жұмыс, деңгейлік тапсырмалар.
Сабақтың түрі: Аралас сабақ.
Пәнаралық байланыс: Ана тілі, бейнелеу, дүниетану
Сабақтың көрнекілігі: Венн диаграммасы, тірек сызба суреттер, слайдтар.
Күтілетін нәтиже: Оқушылар шығыс септік сұрақтарын жалғауларын меңгереді, сұрақтарға жауап береді, сөздік қоры молаяды, өз ойын дәлелдейді.
Дерек көздер: қазақ тілі оқулығы, Абай өлеңдер жинағы, қазақтың ұлттық киімдері (энциклопедия), қазақ тілін оқу әдістемесі.
Сабақтың құрылымы: Блум таксономиясы.
Бағалау әдісі: Әр топқа бағалау парақшасы таратылады.
Сабақтың барысы: Ұйымдастыру кезеңі.
Психологиялық дайындық: Оқушылардың сәлемдесуі. (2 мин)
Мұғалімнің кіріспе сөзі. (1 мин)
Сәлеметсіңдер ме, балалар? Біздің бүгінгі сабағымыз күндегі сабақтан ерекше болмақ. Сабаққа ұстаздарың қонаққа келіп отыр. Қазақ қашанда қонаққа құшағын айқара ашқан, өз қонақжайлығын көрсеткен. Ендеше біз де өз білімімізді көрсетіп қонақтарға қонақжайлығымызды дәлелдейік. Іске сәт!
Қағаз қималары арқылы топқа бөлу. (2минут)
1 - топ. Сөз таптары.
2 - топ. Зат есімнің түрлері.
3 - топ. Зат есімнің септелуі.
Үй тапсырмасы: «Әдемі кір жаю» Әр топ өздеріне берілген тапсырма бойынша жауаптарын жазады. Жазып болған соң тақтаға іледі. (3 - 4 минут)
Мұғалім: Балалар біз сендермен сөз таптарын оның ішінде зат есімнің түрлерін, септелуін білдік. Сол тақырыпты ары қарай жалғастырамыз.
Бүгінгі тақырыбымыз шығыс септігін бекіту және 73 - 74 жаттығулар.
Білу кезеңі: Оқулықпен жұмыс. 73 - жаттығу. Көп нүктенің орнына тиісті септік жалғауларын қойып, сөйлемдерді көшіріп жазу.(4 мин)
Шекпеннен су да жел де өтпейді. 1 - топ.
Әйелдердің сәукеледен кейінгі бас киімдері қарқара, қасаба, тақия деп атайды. 2 - топ.
Келіні жуан әрі қатты тұтас ағаштан үңгіп жасайды. 3 - топ.
Сөздік жұмыс: (2 минут)
Шекпен - ерлердің сырт киімі.
Қарқара, қасаба - әйелдердің тойға, салтанатқа киетін төбе жағы үшкір, биік бас киімі.
Келі - ағаштан үңгіп жасалған бидай, тарыны түйетін тұрмыстық зат.
74 - жаттығу. Төмендегі сөздердің тиістісін қойып өлеңді қалпына келтіру.
(3 - 4 минут)

Өз Отаным - маған...........................
Мен............................. ұқпаймын
Әкем менен....................................
Айтқанынан шықпаймын!
(Т. Молдағалиев )

Топтық жұмыс.
1 - топ. Отан туралы не айта аласыңдар?
2 - топ. Ата - ана
3 - топ. Перзент борышы.
Әр топ осы сөздердің мағынасын ашады, сұрақ қояды, әр сөздің қай септікте тұрғанын табады.
Мұғалім: Балалар ата - анамыз, балалар, туған - туысқандар отбасын құрса сол отбасынан Отан басталатынын ұмытпаңдар. Отбасы, шаңырақ, ата - ана, Отан ұғымдары бір - бірімен байланысты.
Түсіну кезеңі: 75 - жаттығу.
Тыйым сөздерді жатқа жазу.
Балалар, тиым сөздер қандай сөздер, оны не үшін айтады? Қандай тыйым сөздерді білесіңдер? (Оқушылар сұрақтарға жауап береді)
1. Көргенді жас, пәк бала,
Дастарқаннан аттама.
2. Мәнді сөзді тыңда,
Малды бастан ұрма.
3. Ақты төкпе,
Асты теппе.
(балаларға 2 минут уақыт беріледі, сол уақыт аралығында оқушылар жаттап шығыс септігіндегі сөздерді табуы тиіс)
(автор жайлы дерек М. Әлімбай 1 минут)
Сергіту сәті. «Аукцион». (2минут)
Тақтаға бір оқушы шығады, оған бір сурет беріледі, оқушы оны көрмейді, қандай зат екенін білмейді, ол сол затты сипаттап алушыларға сату керек.
Қолдану кезеңі. 76 - жаттығу. (4 минут)
Тақтамен жұмыс. Берілген сөздердің шығыс септігінде тұрғанын дәлелдеу.
Өрістен
Теңізден
Кітаптан
Балалар, өріс сөзін басқаша қалай айтамыз. (жайлау, жайылым, шалғындық)
Қазақстанда қандай теңіздер бар? (Іле, Ертіс, Нұра, Есіл, Еділ, Жайық, Сырдария т. с. с)
Кітаптан біз қандай шығармалар, қандай өлеңдер оқимыз?
«Поззия минуты». Абай өлеңдерінен бірнеше шумақ оқылады. (2 минут)

Талдау кезеңі. 78 - жаттығу. Постермен жұмыс. (4минут)
1 - топ. Бидайдан дайындалатын тағам түрлері.
2 - топ. Тарыдан дайындалатын тағам түрлері.
3 - топ. Қазақтың дастарханы.
Қорғауға 3 - 4 минут
Мәтіннен шығыс септігіндегі сөздерді тауып, сұрақ қою.
Жинақтау кезеңі. 79 - жаттығу. (3минут)

Қорытынды: Бағалау, қорытындысын шығару. (2 минут)
Рефлексия: (2 минут)
Менің бүгінгі сабақтан алған әсерім.
Қандай жұмыс ұнады?
Сәтсіз болған тұстары.
Пікір, ұсыныс.
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мақала, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×