Екібастұз қаласы,
№21 «Кішкентай данышпандар»
балабақшасының тәрбиешісі
Амирханова Айсулу Кайруллиновна
Білім беру саласы: Қатынас.
Білім көздері: Тіл дамыту.
Тақырыбы: «Үй жануарлары»
Мақсаты: Балалардың үй жануарлары туралы түсініктерін тереңдету. Олардың түрлерін бір - бірінен ажыратуға, әңгімені мұқият, зейін қойып, тыңдауға үйрету. Үй жануарларының төлдерін дұрыс атын атай білуге, олардың бізге тигізер пайдасын айту және оларды күтіп баптауға, қорғап - қамқорлық жасауға тәрбиелеу.
Көрнекілігі: Төрт түлік малдың суреті, сүт тағамдары, қой жүні, тоқымалар.
Әдіс - тәсілдері: Көрсету, түсіндіру, сұрақ - жауап, ойын.
Ұйымдастыру бөлімі
Жылулық шеңбері:
Шеңбер болып тұрайық,
Алақанды ашайық.
Күннен жылу алайық,
Жүрекке жылу салайық.
Тәрбиеші: Балалар, мен сендерге жұмбақ айтайын, сендер тауып көріңдер.
Иір - иір денесі,
Сахараның кемесі,
Ащы шөптер тағамы
Шөлге шыдап бағады. (түйе)
Кішкентай ғана бойы бар,
Айналдырып киген тоны бар. (қой)
Түйе мен қойдан басқа қандай жануарларды білесіңдер?
Жауабы: сиыр, ешкі, жылқы, т. б.
Ойын: «Төлін тап»
Шарты: үй жануарлардың төлдерін атап тауып беру.
1 - топ - сызба арқылы сызып көрсетеді.
2 - топ - суретке қарап үй жануарлардың мүшесін атайды.
3 - топ - тақтаға шығып үй жануарлардың төлдерін тауып, көпше түрін айтасыңдар.
Сиыр қалай мөңірейді? Му - му
Қой қалай маңырайды? Мә - мә
Ешкі қалай маңырайды? Мә - мә
Жылқы қалай кісінейді? Я - я - я
Билинг. комп.
Түйе - верблюд, Сиыр - корова,
Жылқы - лошадь, Қой - баран.
Ешкі - козел.
Ойын: «Не жетіспейді?»
Шарты: Үй жануарларды карточкамен тақтаға қойып көрсету, балалар үй жануарларға не жетіспей тұрғанын атайды.
Тәрбиеші: Балалар үй жануарлары туралы мақал - мәтелдер білесіңдер ме?
Мал өсірсең қой өсір,
Өнімі оның көл - көсір.
Аттан тай озады,
Атадан бала озады.
Өте жақсы балалар.
Сергіту сәті.
Құлыншағым, құндызым,
Құлдырайды, шабады.
Жылтылдаған жұлдызым,
Құстай қанат жаяды.
Үй жануарлары туралы схема бойынша әңгіме құру.
Мақсаты: балаларға әңгіме не туралы екенін, үй жануарлардың түрін, төлдерін жатқа білуге, олар немен қоректенетіні, адамдарға не беретіні жайында түсіндіру.
Қорытындылау.
Балалар, сиыр қандай жануарға жатады?
- Ал қой ше?
Күтілетін нәтиже:
Нені білдіңдер: Үй жануарлары туралы.
Меңгерді: Жануарлардың түрлерін дұрыс тауып, атай білді.
Игерді: Сызба арқылы жұмыс істеуді.
Үй жануарлары
- aisulu1974
- 22 қараша 2015
- 4353
- 0