Ғажайып геометриялық пішіндер елінде

Білім беру саласы: «Таным»
Бөлімі: «Қарапайым математикалық ұғымдарды қалыптастыру»
Тақырыбы: «Ғажайып геометриялық пішіндер елінде»
Мақсаты: Балаларға геометриялық пішіндер туралы түсініктерін тиянақтау, пішіндер жайлы балалардың білім деңгейін анықтау, логикалық ойлау қабілетерін, зейіндерін дамыту.
Құрал - жабдық: геометриялық пішіндер, карточкалар, интерактивті тақта, т. б.
Әрекет кезеңдері. Тәрбиешінің оқу қызметі. Балалардың қызметі
Мотивациялық қозғаушы
/кіріспе бөлім/
Шаттық шеңбер
Білер қазақ баласы
Сәлем сөздің анасы,
Алдымыздан кезіккен.
Бәріне де ізетпен
Біздер салем береміз.
Балалар менің үстімде ненің суреті тұр?
Сіздің үстіңізде үшбұрыш, шаршы, шеңбердің суреттері тұр.
Бір сөзбен «пішіндердер» деп атайды.
Жарайсыңдар. Бүгін біздің ашық оқу іс - әрекетіміз пішіндер жайлы болмақ. Сондықтан ғажайып пішіндер еліне саяхатқа шығамыз. Бұл саяхатымыз ерекше болмақ.
(Сиқырлы музыка әуені жүріп тұрады)
Сол үшін көздеріңді жұмыңдар, мен сендердің алақандарыңа ғажайып пішіндерді қоямын. Ол ғажайып геометриялық пішіндер әлеміне баратын сиқырлы кілт болып саналады. Көзімізді ашып, сиқырлы кілт арқылы ғажайып геометриялық пішіндер әлемінде әрқайсымыз өз орнымызды тауып отырамыз.
/негізгі бөлім/
Міне балалар біз ғажайып пішіндер әлеміне келдік.
І. Тақтаға назар аударамыз
( Интерактивті тақтадан дауыс шығады.)
Балалар сәлеметсіңдер ме. Менің атым шеңбер.
Бұл геометриялық пішіндердің бірі - шеңбер.
Неліктен шеңбер деп аталады?
(Балалардың жауабы)
Шеңбердің бұрышы болмайды.
Жарайсыңдар.
Шеңберге ұқсайтын заттарды атап бересіңдер ме?
Иә. Доп, дөңгелек, теңге, руль, күннің көзі, пицца, мандарин, кәмпит.
Жаңа ғажайып пішіндер еліне бару үшін сендерге сиқырлы кілтті таратып едім ғой. Енді сол пішіндердің арасында шеңберлер мына шеңбер бөлмесіне отырыңдар.
Ал енді әрі қарай тақтаға назар аударайық.
ІІ. – Сәлем. Мен үшбұрышпын. Менің үш бұрышым бар. ( Интерактивті тақтадан дауыс шығады.)
Бұл геометриялық пішіндердің бірі - үшбұрыш.
- Неліктен үшбұрыш деп аталады?
(Балалардың жауабы)
Үш бұрыштың үш қабырғасы және үш бұрышы бар.
(Балалармен бірге үшбұрыштың қабырғасы мен бұрышын санап өту)
Жарайсыңдар.
Үшбұрышқа ұқсайтын заттарды атап өтейік.
Шырша, жол белгісі, торттың бір бөлігі, қалпақ, пиццаның бір бөлігі, қарбыздың бір бөлігі.
Ғажайып пішіндердің арасында үшбұрыштар мына үшбұрыш бөлмесіне жайғасыңдар.
Ал енді әрі қарай тақтаға назар аударайық.
ІІІ. – Сәлем. Ал менің төрт бұрышым бар. Мен шаршымын. ( Интерактивті тақтадан дауыс шығады.)
Бұл геометриялық пішіндердің бірі - шаршы.
Неліктен шаршы деп аталады?
(Балалардың жауабы)
Өйткені шаршының төрт бұрышы және төрт қабырғасы болады.
(Балалармен бірге үшбұрыштың қабырғасы мен бұрышын санап өту)
Жарайсыңдар.
Шаршыға ұқсайтын заттарды атап өтейік.
Шоколад, печенье, шкаф, терезе, пеш, теледидар.
Шаршылар мына шаршы бөлмесіне отырыңдар.
Біздің бүгінгі қонақтарымыз геометриялық пішіндер қызықты тапсырмалар ала келіпті.
1 - тапсырма: Тақтаға назар аударайық.
(Шеңбердің тапсырмасын орындау)
Шеңбердің тапсырмасын орындаймыз ба?
Мына өсіп тұрған әртүрлі пішінді ағашқа көңіл аударайықшы. Біз ғажайып геометриялық пішіндер әлемінде болған соң, мына ағаштардың пішіні ерекше екен.
Қандай пішіндерге ұқсайды?
Шаршы, үшбұрыш, шеңбер.
Дұрыс балалар сендер барлық пішінді біледі екенсіңдер.
Ал әртүрлі пішінді ағаштар ол - алма ағашы, шыршаға және алмұрт ағашы.
Тақтамен жұмыс:
Алмұрт ағашы қандай пішінге ұқсайды?
Шеңбер
Алмұрттар қандай түсті?
Алмұрттар жасыл түсті.
Санайықшы алмұрт қанша?
1, 2, 3 - 3 алмұрт.
Кәне біз ол 3 алмұртты тақтаға ілеміз және оның жанына қандай санды қоямыз?
3 санын.
Енді шырша ағашы қандай пішінге ұқсайды?
Үшбұрышқа
Жаңғақтары қандай түсті?
Жаңғақтары қоңыр түсті.
Санайықшы қанша жаңғақ?
1, 2, 3, 4 - 4 жаңғақ.
Кәне біз ол 4 жаңғақты тақтаға ілеміз және оның жанына қандай санды қоямыз?
4 санын.
Ал енді, алма ағашы қандай пішінге ұқсайды?
Шаршыға
Алмалары қандай түсті?
Қызыл түсті.
Санайықшы қанша алма екен?
1, 2, 3, 4, 5 - 5 алма. Бұл бес алманы тақтаға ілеміз.
Оның жанына қандай санды қоямыз?
5 санын.
Балалар бізде 1 - ден, 5 - ке дейін сандар тақтада тұр.
Енді. 1 - ден бастап, 5 - ке дейін тура және 5 - тен бастап, 1 - ге дейін кері санаймыз.
Салыстыру:
Балалар, тақтаға назар аударайық алмұрт нешеу, жаңғақ ше? Қайсы көп?
Дұрыс жаңғақ көп
Ал жаңғақ көппе, алма көп пе?
Дұрыс алма көп.
2 - тапсырма: Тақтаға назар аударайық
(Үшбұрыштың тапсырмасын орындау)
Д/ойын: «Логикалық құрастыру»
Шарты:
Балалар, біз қазір геометриялық пішіндерден «Логикалық құрастыру» ойынын ойнаймыз. Мен қазір интерактивті тақтада шеңберден бір зат құрастырамын. Бұл не?
Бұл жұлдызқұрт, ал сендер қандай зат құрастыра аласыңдар? (Тәрбиеші жұлдызқұрттың геометриялық пішіндерін санап өтеді)
- Бұл тапсырманы шеңберлер бөлмесі орындасын.
Балалар шеңберден қар адамды құрастырады.
Алихан қарадамның неше шеңбері бар? Кәне санашы. (Бала санап береді)
Қарадамда үш шеңбер бар.
Алина неше үшбұрышы бар? Кәне санашы. (Бала санап береді)
Ақниет қарадамда неше шаршы бар? (Бала санап береді)
Енді интерактивті тақтаға үшбұрыштан бір зат құрастырамын. Бұл не?
Бұл балық, ал сендер қандай зат құрастыра аласыңдар?
(Тәрбиеші балық геометриялық пішіндерін санап өтеді)
Бұл тапсырманы мен үшбұрыш бөлмесіне беремін.
Балалар үшбұрыштан шыршаны құрастырады.
Сезім шыршаның неше үшбұрышы бар? Кәне санашы. (Бала санап береді)
Шыршада үш үшбұрышы бар.
Арлан неше шаршысы бар?
Шыршада 1 шаршы бар.
Интерактивті тақтаға көңіл аударайық шаршыдан бір зат құрастырамын. Бұл не?
Бұл кеме, ал сендер қандай зат құрастыра аласыңдар?
(Тәрбиеші кемені геометриялық пішіндерін санап өтеді)
Бұл тапсырманы шаршылар бөлмесі орындасын.
Балалар шаршыдан печенье құрастырады.
Гүлім печеньеде неше шарды бар? Кәне санашы. (Бала санап береді)
Сергіту сәті
Ал балалар тұрайық
Қолдан шеңбер құрайық
Дөңгелектей дөңгелек
Шыр айналып құрайық
Қолды аспанға созайық
Түзу болып тұрайық
Бір - біріне қосқанда
Үшбұрышты құрайық
3 - тапсырма: Дид. Ойын «Шыршаны әшекейлейік»
4 - тапсырма: Тақтаға назар аударайық.
(Шаршының тапсырмасын орындайды)
Ал енді шаршының тапсырмасын орындаймыз ба?
Логикалық ойын: «Лулия шеңбері».
Шарты: Дөңгелек шеңбер бойымен, музыка әуенімен айналып, музыка тоқтағанда арнайы санға тоқтап қалу керек. Мысалы; 5 санына тоқтаса, қандай пішін және түсі қандай екенін атап, содан соң қанша екенін адайды. Сонымен қатар қандай затқа ұқсайды екенін атап беру. (5 шарша, түсі күлгін, шаршы теледидар, шкаф, терезе т. б. ұқсайды)
/қорытынды/
Бүгінгі «Ғажайып геометриялық пішіндер елінде»
Сендерге ұнады ма?
(Смайликтермен көңілдерін білдіреді)
Жарайсыңдар балалар! Сендерге көп рахмет! Бүгін барлығын жақсы қатыстыңдар! Осымен оқу іс - әрекетміз аяқталды, келген қонақтарымызбен қоштасамыз! Сау болыңыздар!
Күтілетін нәтиже:
Біледі: Әр түрлі пішіндерден заттар құрастыруды, заттардың ішінен түстерді табуды
Игереді: Геометриялық пішіндер, түстер туралы түсінік
Меңгереді: Геометриялық пішіндерді ажырата алуды, салыстыруды

Солтүстік Қазақстан облысы
Ақжар ауданы
«Балдырған» балалар бөбек бақшасы
Інжу тобы
Тәрбиеші: Хамитова К. Ф.