Көкөністерден көже жасау (дидактикалық ойын)

Сөйлеуді дамыту ұйымдастырылған оқу қызметінің технологиялық картасы
Тәрбиеші Даниярова Б. З
Тақырыбы: Көкөністерден көже жасау (дидактикалық ойын).
Мақсаты: Жалпы белгілері бойынша заттарды топтастыру. Демонстрациялық әрекеттер бойынша әңгіме құрастыруды жалғастыру (сөздерді қолдану: тазалау, жуу, турау, қайнату), жеке сөздерді айтуға ынталандыру. Балаларды ыдыс - аяқ атаулары бойынша сөздік қорларын молайтып, байланыстыра сөйлеуге дағдыландыру, дауыссыз «ш» дыбысын анық айта білуін қалыптастыру.
Көрнекіліктер: № 6 демонстрациялық материал (көкөністердің суреттері), № 6 үлестірмелі материал.(көкөніс
суреттері бойынша түстерін бояу).
Сөздік жұмыс: көкөністер, аспаз, көже.
Билингвальды компонент: көкөністер – овощи, аспаз – повар, көже – суп. Алдын ала жүргізілетін жұмыс: асханаға бару.
Педагогтің іс - әрекеті Балалардың іс - әрекеті
Мотивациялық - қозғаушылық – Бүгінгі күнімізді бір - бірімізге жақсы тілек айтудан бастайық.
Армысыз, қайырымды Аспан ата! Қуан, шаттан, алақай!
Армысыз, мейірімді Жер - ана! Қайырлы таң, қайырлы күн!
Армысыз, шұғылалы алтын Күн! Бәріміз күндей жарқырайық! Педагогпен бірге қайталайды.

Ұйымдастырушылық - ізденістік – Балалар, көкөністер туралы мына өлеңді тыңдайықшы:
Шолып едім бақшаны, Жасыл, сары, қызыл, көк
Көкөніс біткен көңілді. Сан алуан көкөніс.
Өлеңде не туралы айтылған?
– Көкөністер – овощи.
Балалардан көрнекілікті пайдаланып, сұрақ - жауап тәсілі арқылы көкөністердің пішінін, түсін сұрау. Көкөністерге не жататынын, оларды жылдың қай мезгілінде жинайтынына тоқталу.
– Үйде аналарың, әжелерің көкөністерді қосып, тамақ әзірлейді. Қазір мен сендерге көкөністерден қалай көже жасалатынын көрсетемін. Дидактикалық ойын: Тамақ әзірлеу
– Плитаға ішінде суы бар кастрөлді қоямыз, суымыз қайнағанша картопты тазалаймыз, суға жуып, пышақпен бөліп тураймыз, қайнап жатқан суға саламыз. Керекті көкөністерімізді: орамжапырақ, сәбіз т. б. жуып, турап, кастрөлге саламыз. Табаға пиязды қуырып аламыз.
– Қуырған кезде қандай дыбыс шығады? (Ш - ш - ш).
Педагог пиязды кастрөлге салып, сорпаны араластырады.
– Өкінішке орай біздің плитамыз жанбайды, сондықтан қазір аспаз апайымызды шақырамыз, көжемізді әрі қарай нағыз плитаға апарып, түскі асқа пісіріп берсін.
Аспаз келіп«Түскі асқа осы көкөністерден көже пісіріп беремін», – деп уәдесін беріп, шығып кетеді.
– Аспаз – повар. Көже – суп.
Сергіту сәті: Өн бойымды тік ұстап,
Таянамын бүйірді.
Бастап кетем дұрыстап
Сайгүлікше жүруді,
Бір! Екі! Бір! Екі! (С. Қалиұлы)

Өлеңді мұқият тыңдайды.

– Көкөністер туралы.
– Көкөністер – овощи.

Суреттегі көкөністердің атын, пішінін, түсін атайды.

Балалар «ш - ш - ш - ш» деген дыбысты бірнеше рет қайталайды.
Аспаз – повар. Көже – суп.
Қимылын келтіріп жаттығуды орындайды.
Көкөністерді түстеріне сәйкес бояйды.
Рефлексия лық - түзетушілік – Балалар, көкөністерден пісірген көжемізді неге құямыз?
– Ыдыстарға нелер жатады?
– Бұл заттар аналарыңа не үшін қажет?
– Оларды қалай пайдаланады?, деп сұрақ - жауап арқылы қорытындылайды, балаларды мадақтайды. – Ыдыстарға.
– Кастрөл, қазан, шәйнек, қасық, пышақ, тәрелке, табақ, кесе – бұлар ыдыстар.
біледі: сурет бойынша әңгіме құрастыруды;
игереді: дыбыстарды дұрыс айту дағдысын;
қолдана алады: көкөністердің пішінін, түрін, түсін ажыратуды, ыдыстарды атауды