Онлайн курстың қажеттілігі

Онлайн курстың қажеттілігі
«ЖАОК» – жаппай ашық онлайн курс, бұл электрондық түрдегі ақпараттық мультимедиялық құрал болып табылады, оның құрамына келесі авторлық құқық - туындысы кіреді:
– әдеби туындылар (лекциялар, мәтіндік файлдар);
– аудио бейнелі туындылар (видео);
- графика туындылары, дизайн және басқа да бейнелеу өнерінің туындылары (суреттер, презентациялар, 2D - графика, 3D - графика және т. б.);
– фотографиялық туындылар.
Әл - Фараби атындағы Қазақ ұлттық университеті https://farabi. university жоғары оқу орнына дейінгі білім беру факультеті жоғары оқу орнына дейінгі дайындық кафедрасының оқытушылары 2022 жылдың қаңтар айында әл - Фараби атындағы ҚазҰУ Академиялық және Цифрлық инновациялар кеңсесі ұйымдастырған Жаппай ашық онлайн курстарының байқауына қатысып, барлық кезеңнен мүлтіксіз өтіп тегін онлайн курс түсіруге жолдама алған болатын. Курс «Ортағасырлардағы Қазақстан тарихын меңгерудің ұтымды тәсілдері» деп аталады. Міне бүгінде сол курсымыз тыңдаушыларға ұсынылып, сабақ барысында қолданысқа ие болды. Курста Отан тарихының маңызды кезеңдерінің бірі – орта ғасырлардағы Қазақстан тарихы қарастырылады. Әр дәрістің соңында тақырыпты қаншалықты меңгергендігін тексеруге арналған әр түрлі тесттер беріледі, тестті шешу арқылы тыңдаушы өз деңгейін анықтайды. Бір модульді толық аяқтаған соң білімін нақтылай түсу үшін қорытынды тест орындайды. Курс әсіресе шетел тыңдаушылары үшін өте ыңғайлы жасалған. Бейнедәрістерді қайта - қайта көріп, тыңдау арқылы тақырыптарды жақсы меңгере алады. Қорыта келсек, тарих пәнін түсіндіруде заманауи жаңа технологияларды қолдану – оқытушыға сабақты жоғары сапада өткізуге пайдалы және тыңдаушының түсінігіне орасан зор әсерін тигізіп, білім сапасын жоғары деңгейде көтереді. Сонымен қатар тыңдаушыларды оқуға ынталандыруға, олардың үлгерімі мен қызығушылығына ықпал етеді. Сондықтан да осындай түрлі әдістерді сабақта қолдану тыңдаушының тәрбиесіне де жақсы ықпал етеді деген ойдамыз.

Әл - Фараби атындағы Қазақ ұлттық университетінің
оқытушылары Ибрагимова М. Н., Нұртілеуова С. Р., Мужигова Г. М.