ҚазҰУ – биік белестерге жетелейтін білім ордасы

ҚазҰУ – биік белестерге жетелейтін білім ордасы

Барлық саланың қарыштап дамып, өркендеп өсуі, биік белестерге көтерілуі білім мен ғылымның даму қарқынына байланысты екендігі сөзсіз, яғни маңызды дүниелердің бірі – білімнің салтанат құруы. Білім, тәлім мен тәрбие мәселесі – қоғамымыздың болашағы болып табылады.
Кәсіби әрі шебер білім беруде жоғары деңгейде аянбай еңбек етіп келе жатқан орта, қазақтың қара шаңырағы – әл - Фараби атындағы Қазақ ұлттық университеті 90 жылдан аса білім әлемінде желкен керіп келеді.
Қазақстандағы шоқтығы биік білім ордасы жылдан жылға өз өрісін кеңейтіп, ұлғайып, елімізге білімді әрі жаңа заман мамандарын даярлап, еліміздің еңселі болуына үлесін қосып жатқан ұзақ жылдар бойғы тарихы бар біздің университет QS жаһандық рейтингінде әлемдегі ең үздік университеттер арасында 163 орында, сондай - ақ ұлттық және халықаралық рейтингтерде алдыңғы орындарда екені баршаға мәлім. Осылайша, жетекші Қазақстандық әл - Фараби атындағы Қазақ ұлттық университеті Орталық Азия мен ТМД - дағы теңдессіз көшбасшы университет болды. QS – әлемдегі барша мемлекеттер таныған беделді және көптеген жылдар бойы әлемдегі үздік жоғары оқу орындарының жаһандық рейтингін жүргізіп келе жатқан ықпалды халықаралық агенттіктердің бірі.
Қазіргі уақытта әл - Фараби атындағы ҚазҰУ - да білім беру және ғылыми - инновациялық қызмет нәтижелеріне қол жеткізуге бағытталған даму бағдарламалары іске асырылып жатыр. Университет елдің әлеуметтік - экономикалық дамуына қосқан үлесін арттыру үшін ғылым мен білім берудің нақты интеграциясына бағыт алды. Әлемнің жоғары оқу орындары және ғылыми орталықтарымен стратегиялық әріптестік жүзеге асырылады. Қос диплом бағдарламалары, халықаралық жобалар және білім алушылардың академиялық ұтқырлығы табысты жүргізілуде. Университет түлектері Қазақстандағы және дүниежүзіндегі жұмыс берушілер тарапынан жоғары сұранысқа ие. Университеттің өндіріспен тығыз байланысы бар, бұл студенттерге практикалық тәжірибе жинақтауға және кәсіби дағдыларын дамытуға мол мүмкіндіктер береді.
Ұлттық болмыс пен бірегейлікті сақтай отырып, сананы жаңғыртуда және білімділікке ұмтылдыруда әл - Фараби атындағы Қазақ ұлттық университетінің Тарих факультетінің профессорлық - оқытушылық құрамы еліміздің білім беру және ғылыми әлеуетін ескере отырып, әлемнің озық, заманауи және таңдаулы үлгілері негізінде жастарға жаңа деңгейдегі білім беруді қамтамасыз етуді көздей отырып, сапалы білім беріп, мықты маман даярлауға күш салуда. Жастар білімнің бастауын осы ұстаздардан алып, биік белестерге көтерілуде.
ҚазҰУ - дың «World University Rankings» QS дүниежүзілік танылған және беделді халықаралық рейтингте қарқынды ілгерілеуі бәсекелестіктің артуы жағдайында университеттің соңғы жылдары атқарған жұмысының айрықша нәтижелерін айғақтайды.
Әлемдік өркениетке өзіндік үлес қосып келе жатқан оқу орны, бәсекеге қабілетті мамандар даярлауда танымал, білім мен тәрбиенің ошағы болған заманауи білім ордасы әл - Фараби атындағы Қазақ ұлттық университетінен білім алған әрбір жас тұлға мемлекет болашағы.

Әл - Фараби атындағы ҚазҰУ
Тарих факультеті
Қазақстан тарихы кафедрасының оқытушысы.
Өзенбек Еркебұлан