Тазалық апталығы

Тазалық апталығы
«Таза Қазақстан» жалпыұлттық экологиялық акциясы аясында ұйымдастырылып, өтіп жатқан тазалық апталық сенбілігіне әл - Фараби атындағы Қазақ ұлттық университетінің жоғары оқу орнына дейінгі білім беру факультетінің шетелдіктердің тілдік және жалпы білім беру дайындығы кафедрасында оқып жүрген шетелдік студенттер белсене қатысты.
Білім алушы жастарды қоршаған ортаны таза ұстауға үндеп, және ҚазҰУ қалашығының санитарлық жағдайын жақсарту - апталықтың мақсаты болып табылады.
«Таза Қазақстан» шарасына бірнеше айдың ішінде 3 миллионға жуық азамат атсалысты. Бұл уақытша науқан емес. Осы маңызды жоба жыл бойы жалғаса беруге тиіс. Бір сөзбен айтқанда, қоршаған ортаның тазалығы әркімнің күнделікті дағдысына айналуы қажет», – деп атап өткен болатын Мемлекет басшысы Қасым - Жомарт Тоқаев биылғы Қазақстан халқына жолдауында.
Тазалық акциясына қатысушы шетелдік студенттер оқу ғимаратының және жатақхананың айналасын тазалап, ретке келтірді. Сенбілік барысында оқу ғимаратының аумағы тазартылды.
Шетелдік студенттердің өздерінің белсенді қатысуымен өткен сенбілік шетелдік студенттердің бойына экологиялық мәдениет қалыптастыруға өз септігін тигізді деп есептеуге болады.

Саденова А. Е., Казмагамбетова А. С.
Әл - Фараби атындағы ҚазҰУ,
Шетелдіктердің тілдік және жалпы білім беру дайындығы кафедрасы