Сайтқа кіру Тіркелу

Мен-Қазақстанның бір бөлігімін

Кураторлық сағаттың тақырыбы: «Мен - Қазақстанның бір бөлігімін»
Сабақтың мақсаты:
1. Оқушыларға Отан, туған жер, туған ел жайлы түсінік беру. Қазақстанның әрбір азаматы - өз елінің бір бөлігі екендігі жайында түсіндіре отыра, Қазақстан Мемлекеттік рәміздері - ұлт мақтанышы туралы білімдерін кеңейту, оны ерекше құрметтеп, мақтан тұту және еліміздің рәміздеріне биыл 21 жыл толғандығы жайында толық түсінік беру.
2. Оқушыларды өз Отанына, халқына деген көзқарастарын қалыптастыру, елінің Туын, Елтаңбасын, Әнұранын қастерлеуге, халқының тегін, тарихын білуге тәрбиелеу.
3. Ой - өрісін, танымдық қабілетін, жеке дара тұлға ретінде дамыту.
Сабақтың әдіс - тәсілдері: сұрақ - жауап, түсіндіру, әңгімелеу
Көрнекілігі: Қазақстан Республикасының рәміздеріне байланысты презентация, буклет, интерактивті тақта, қанатты сөздер
Сабақтың барысы:
А) Ұйымдастыру кезеңі
Оқушылардың бүгінгі тәрбие сабаққа назарларын аудару.
Ә) Психологиялық дайындық
Оқушыларды «Шаттық шеңберіне»шақыру, амандасу.
2. Жаңа сабақ.
- Мұғалім: - Балалар, бүгінгі Білім күніне арналған алғашқы кураторлық сағатымыздың тақырыбы «Мен - Қазақстанның бір бөлігімін» деп аталады. Бүгін ерекше күн, бүгін 1 қыркүйек - Білім күні сендер мектеп табалдырығын қайта аттап, 4 сынып оқушылары атанып отырсыңдар. 3 ай бойы жақсы демалып, күш - қуат жинап алтын - ұя мектептеріңе оралып отырсыңдар.
Ендеше сендерге ақ жол тілей отыра, «Қош келдіңіздер!» демекпін.
- Мұғалім:
Батырлықтың уызына жарыған,
Ер түркін байрағынан таныған.
Өзі ақын, өзі әнші халықта,
Кім айта алар болмаған деп Әнұран.
Әнұран. Гректің «гимн» сөзінен шыққан қазақша «ұран», «ұран салу» деген ұғымды білдіреді. Басқа ұлттар секілді қазақ елінің де әрбір ру – тайпасының таңба белгілері, жалауымен қатар Әнұраны да болған. Елді жау шапқанда жер - жердегі сарбаздарды жинауға ат шаптырып, ұран салған, хабар берген. Әнұран кезінде сарбаздарға рух берген, жауға қарсы ерлікпен күресе білуге жұмылдырған.
Бәрі болған қараң сынды көнеде,
Ел белгі де, ерлігі де өнер де.
Жаһандағы ең жауынгер халықта,
Кім сенеді «Ту болмады» дегенге?
Ту. Ту бейбіт кезде құрметпен сақталып, ол тек жаугершілік кезде ғана шығарылып отырған. Тудан айырылу – өліммен тең болған. Өзімізге белгілі қазақ жеріне көз тігушілер аз болмаған. Сондай бір қиын - қыстау кезеңде ұлы дана бабаларымыз Төле би, Қазыбек би, әйтеке би ордабасында кездескеннен кейін Әбілқайыр хан үш жүздің басын қосып, Бөгенбай батырға қазақтың туын ұстатқан.
Бас білгізіп жер тарпыған тарпаңға,
Жасы тұрмақ шығады екен қарты аңға.
Қалай оның елтаңбасы болмайды,
Түлігіне дейін салса ен - таңба.
Елтаңба. Әр халықтың өз таңбасы, елтаңбасы болған. Қазақ халқының да өз елтаңбасы болған. Елтаңбаны ерекше құрметтеген, қадір тұтқан. Тарихтың қай кезеңінде болмасын ата - бабамыз елтаңбасын ұрпақтан - ұрпаққа сақтап келген.
4. Интерактивті тақтамен жұмыс. Мемлекеттік рәміздер жайлы айту.
1 - оқушы: 1992 жылы 4 - маусымда Қазақстан Республикасының Мемлекеттік Рәміздері бекітілді. Ел Президенті ұлт туына тағзым етті.
2 - оқушы: Ту – ортасында күн, оның астында қалықтап ұшқан қыран. Тудың сабының тұсында ұлттық өрнек нақышталған тік жолақ көктеп өтеді.
Күн шұғыласы, қыран, өрнек бейнесі алтын түстес.
3 - оқушы: Әнұран – Қазақстан Республикасының Әнұранында адамға зор рухани әсер ететін күш, өйткені Әнұранда халықтың, ұлттың, мемлекеттің, елдің бірлігінің нышаны бар. Әнұранның әнін - Шәмші Қалдаяқов, сөзін жазғандар Нұрсұлтан Назарбаев, Жұмекең Нәжімеденов.
4 - оқушы: Елтаңба – күн сәулесі, көк аспан, шаңырақ, жұлдыз, қанатты тұлпарлар, бидай сабақтарымен бейнеленген. Көк аспан – кеншіліктің, тыныштық пен биіктіктің белгісі. Ашық аспанға тараған күн сәулелері сәулетті өмір санатын көрсетіп тұрғандай, биіктегі жарық жұлдыз Отанымыздың жұлдызы биіктеп, бақыт жұлдызынан нұр шашып тұрғандай.
5 - оқушы: Алтын шаңырақ – шаңырақ астындағы халықтар бірлігін білдіріп, отбасына күн ананың жарығын шашып, бақыт шуағын төгіп тұр.
6 - оқушы: Қанатты тұлпардың баламалық мәні қазақтың аңыз - ертегісінен алынған. Қанатты тұлпарға мінген алып батыр алты қат аспанға ұшып, жеті қат жер астына түсіп халқымызды азат еткен.
7 - оқушы: Бидай сабақтары – молшылықтың нышаны. Аспан ашық жұлдызы жарқыраған, шаңырағы биік, жеңімпаз, молшылық елінің перзенті болуы тиіс.
Қорытынды: Егеменді еліміз жер әлеміндегі басқа мемлекеттермен терезесі тең өркениетті ел болып, өзінің Елтаңбасы мен Әнұранын, Туын желбіретіп өмір сүруде. Осы бір қасиетті белгілердің мәнін әрбір ұрпақтың терең түсініп, әдептілік рәсімдерін орындау борышымыз екенін ұмытпауымыз керек.
Кері қайту
Ұқсас жаңалықтар:
Гүлдене бер, Қазақстан

Гүлдене бер, Қазақстан

Сабақтың мақсаты: Еліміздің тәуелсіздік алған жылдар аралығында жеткен жетістіктерімен таныстырып, әлем таныған ел екенін дәлелдеу. Міндеттері:...
Менің отаным мақтанышым

Менің отаным мақтанышым

Мақсаты: 1. Оқушылардың білім деңгейін, сөздік қорын дамыту; 2. Елбасының жолдауынан хабардар етіп, алда қойылған мақсат – міндеттер туралы мағлұмат...
Мемлекеттік рәміздер - Тәуелсіздіктің кепілдемесі

Мемлекеттік рәміздер - Тәуелсіздіктің кепілдемесі

Мақсаты: Отанымызды сүюге, Қазақстан Республикасының рәміздерін қастерлеуге, туған елімізге адал қызмет етуге тәрбиелеу. Көрнекілігі: Ту, Қазақстан...
Мемлекеттік рәміздер. Тест 2 сынып

Мемлекеттік рәміздер. Тест 2 сынып

1) Мемлекеттік рәміздерге не жатады? А) Әнұран, рәміз, президент Б) Әнұран, ту, гимн Ә) Әнұран, елтаңба, ту 2) Елтаңбаның авторлары? А) Шәмші...
Рәміздерім - мақтанышым (тәрбие сағаты)

Рәміздерім - мақтанышым (тәрбие сағаты)

БҚО, Теректі ауданы, Приречный ЖОББМ, информатика пәні мұғалімі Айшуаков Мерлан Адилович...
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, жыр, математика, нақыл сөздер, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×