Өлеңдер » Бет 3 » Білімділер сайты

16 Желтоқсан Тәуелсіздік күні мерекесі

Отыз төрт жыл, отыз төрт жыл азаттық,
Өзімізді құрсаудан да босаттық.
Ақтадық біз ата-баба үмітін,
Қолда қазір көк ту менен бостандық.

Еркіндігім.
Қасиеттім.
Қастерлім.
Өзің барда өзегімде жоқ шер мұң!
Кеше сенің келбетіңді арман ғып,
Боданына бұғауландық басқа елдің.

Желтоқсанның қанды суық ызғары,
Қалың әскер қазағымды қорлады.
Тәуелсіздікті қолдаған жастардың
Отан үшін табандары тозбады.

Тәуелсіздік оңай бізге келген жоқ,
Ұл-қыздарым оны қолдан берген жоқ.
Отан үшін құрбан болған боздақтар,
Ел есінде қалды мәңгі өлген жоқ.

Есепшілер апайлар,
Бар тағы да ағайлар.
Айлық берер қуантып,
Шуақ шашар арайлар!

Сап-сары күз соныменен келді ме,
Ағаштардан жапырақтар төгілді.
Несібесін жинап жатыр ел міне,
Ауыл маңы бұрынғыдан көңілді.

Күңіренген, күрсінген күздің ауыр,
Мінезіне үйренген біздің ауыл.
Бұйра шаңын көтеріп қырат - қырдың,
Берекесін бір сәтте бұзды дауыл.

Құттықтаймын қазағым,
Республика күнімен.
Бар ғаламға танылсын,
Әнұраным үнімен.

Ұстазым – нұр құйған шамшырағым,
Жүрекке жол тапқан данышпаным.
Сабақ боп әр айтқан ақыл - сөзің,
Білімнің ашылып сан қырағын.

Даналықтың ұстаз боп жалғап ісін,
Еңбек еттің балауса арман үшін.
Сен - ертеңгі бәйтерек болашақтың,
Бүгінгі күн тер төккен бағбанысың.