Екеумізде арман да ортақ, бірге үміт,
Жанымызға жуытпаймыз бір күдік.
Сен алыстан оралғанда үйіңе,
Шаңыраққа бірге енеді күн күліп.
Осы күнді шын бақыт күн екен де,
Мүлкіміз де ортақ біздің екеуге.
Мейірім де ортақ, соны сезген сәбиіміз
Еркеліктен жыламайды бекерге.
Соның салар әнін бірге ұғамыз,
Сол қыңқ етсе, құрақ ұшып тұрамыз.
Жүрек те ортақ, сезім де ортақ екеуге,
Махаббат та - ортақ бізге бір аңыз.
Жексенбіде дамыл тап та біршама,
Думан күнге қанша қалды, күн сана.
Біздерге ортақ емес пе еді туған күн,
Күнтізбеде бөлек-бөлек тұрса да.
Сан естіртіп сазын ән мен жырлардың,
Тойланады біздерге ортақ туған күн.
Кел, тағы да есімізге алайық
Мағынасын бірге өткізген жылдардың.
Бұл шаттық та жаннан әсер тапты деп,
Айтайық сосын жаз көңілмен ақ тілек.
Өткен жылдың еске алайық бір сәтін,
Сондай қызық басымыздан өтті деп.
Айта алмасақ, қуанышта бекер ғой,
Салмақты айтайық, болмаса да бөтен той.
Бірақ, жаным, тілек айту керек пе,
Біздің тілек онсыз да ортақ екен ғой.
Жұбайлар тілегі
- ramuk_b
- 16 қыркүйек 2019
- 2080
- 0
Ілмек сөздер: Жұбайлар тілегі, Жұбайлар тілегі өлеңі, Ғабиден Қожахмет өлеңдері
Жығылмасын махаббаттың жалауы
Сезім сәттің айтсақ та оңай ұранын, Өмір бір күн тоса қояр сұрағын - Дедің-дағы, сол сезімнің Сен бірде Биігі мен тауы не деп сұрадың....Қара сөздер. Абайдың алтыншы қара сөзі
Қазақтың бір мақалы: «Өнер алды - бірлік, ырыс алды - тірлік» дейді. Бірлік қандай елде болады, қайтсе тату болады - білмейді. Қазақ ойлайды: бірлік...Шебер туралы мақал-мәтелдер
Шебердің қолы көпке ортақ. Көлеңкеге қарап көйлек пішпес болар. Қолы білген құм үстінен кеме жүргізер....Күнге байланысты мақал-мәтелдер
Ерте шықсаң, алдыңнан күн шығады, Кеш шықсаң, алдыңнан түн шығады. Батар күннің де атар таңы бар....Достар тілегі
Сен туған күн жүзге нұр боп бірге енді, Шаттық күнді тойлайтұғын күн келді. Сол үшін де барлығымыз қуанып, Достығымыз жаңарған бір түрге енді....Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Қонақтар,тобындағы қолданушылар пікірін білдіре алмайды.