Мақал-мәтелдер » Бет 7 » Білімділер сайты

Ескі туралы мақал-мәтелдер

Ескіні жамағанның
Есі кетеді.

Ескіні есіңе алмай,
Жаңа жадыңа түспейді.

Жоқты бар десең – құт болар,
Барды жоқ десең – жұт болар.

Қанағат қарын тойғызар,
Қанағатсыз жалғыз атын сойғызар.

Дәулетіне қарай сәулеті.

Дәулетті ел — сәулетті.

Бұлаққа бұлақ қосылса,
Егізбіз дейді.
Көлге көл қосылса,
Теңізбіз дейді.

Ажалды киіктің
Аяғы тыныш жатпайды.

Жазмыштан озмыш жоқ.

Жыл деген ат басын бұрғанша,
Ай деген аунап тұрғанша.

Заман айнасы — замандас.

Білетінің бір тоғыз,
Білмейтінің тоқсан тоғыз.

Білмесең үндеме,
Білгенді күндеме.

Екі сұңқар таласса,
Бір қарғаға жем түсер.

Тозған қазды
Топтанған қарға алады.

Жақсы кісінің ашуы - шай орамал кепкенше.

Қатты күркіреген күн
Тез ашылады.
Қатты ашуланған адам
Тез басылады.

Қызыл тіл жанның мияты,
Абырой ердің қуаты.

Абырой қонар жігітке
Ажалды қоян тап келер.