Адамның бет - бейне, мүшелеріне қарап, жан - дүниесін оқиық

Рухани - танымдық сүрлеулер
Адамның бет - бейне, мүшелеріне қарап, жан - дүниесін оқиық
Әжімнің де ақтарар сыры бар
Әрбір адамның бет - әлпетіне қарап, мінез - құлқын, талғам - сырын, көңіл - күйін оқуға болады. Беттегі әжімге қарап, ол адамның қй жерінің ауыратынын байқау жолы ғылыми негізде дәлелденген.
Мысалы, қабырғаның үстіндегі әжім – жүрек ақауының барлығын білдіреді. Ондайда, дәрігерге тексеріліп алған дұрыс.
Маңдайдағы әжім ой еңбегімен айналысатындарға, не болмаса, күйзелістен оңала алмай, қайғырып, жегі жеп жүретіндерде болады.
Кеңсіріктегі әжім – ылғи қабағы ашылмай кіржиіп, қапалы, ренішті көкірегі мұң - шерге тола, өмірге ырза болмай жүретіндерде кездеседі. Сондай - ақ, қуық, зәр жолдары кілтипанынан хабар береді.
Сол жақ езуде болатын сызық ыржақай, жыртақы, көп күлетін күлегештік белгісі емес. ол – асқазан ауруларының салдары.
Езудегі әжім шаттанып жайраң қағып жүрер көңілділіктің белгісі емес.
Әжімдер ас қорыту қызметінің бұзылуынан болады.
Ерін үстіндегі әжімділер – мінезі ауыр, тұйық, не ашушаң шорт мінезділер.
Бұлардың аш және тоқ ішектері нашар жұмыс істейді.
Көздің астындағы әжімдер бүйректің ақауынан хабар береді.
Көздің бұрышындағы әжімдер – мейірімділіктің ғана белгісі емес, өт жолдарындағы кілтипаннан да болуы мүмкін.
Өзімізге - өзіміз тұрақты бақылау жасап, сақтықпен жүрер болсақ, көп нәрсе ұғарымыз анық.

жиған - терген
Бегімхан КЕРІМХАНҰЛЫ
Ақсу қаласының №2 ЖОББ мектептің қазақ тілі мен әдебиеті мұғалімі
Павлодар облысы
Қазақстан Журналистер Одағының мүшесі