Экология және біз

Экология және біз
Сілтеме: Ғаламтор материалдары, www. wikipedia. kz
Жалпы мақсаты: Ойлау қабілетін, жалпы дүниетанымын, ғылыми көзқарасын дамыта отырып, өз елінің қамын ойлайтын, табиғат байлығын көзінің қарашығындай қорғайтын азамат болуға тәрбиелеу.
Оқу нәтижесі: Оқушылардың сөйлеу қабілеті артады, экология мен Жер ананы қорғау туралы білімдері толықтырылады, ақпараттарды бағамдай білудегі танымдары қалыптасады.
Сабақта қолданылатын материалдар: Үлестірме қағаздар, топ аттары, фломастер, ақ қағаз, «Қазақстанның байлықтары» бейнеролигі, мультимедиа кешені.

1. Ұйымдастыру кезеңі
2. Негізгі кезең
Мұғалім іс - әрекеті
Тәрбие сағатының жүру барысымен және мақсатымен таныстыру. Оқушыларды төрт топқа бөліп отырғызу. Оқушыларды топтарға бөлу. Ол үшін оқушыларға ақын, жазушы, жыршылардың суреттері, калькулятор, шот, компьютердің суреттері және қайшы, желім, жіп, ине салынған суреттер көрсетіледі. Оқушылар өздеріне ұнаған суреттерді таңдайды, соған байланысты топтарға бөлінеді: «Шығармашыл», «Үнемшіл», «Өнер» топтарына бөлініп отырады.

Экологиялық экспресс ұйымдастыру.
1. «Танысу» аялдамасы. Глобусты ұстап мұғалім өзі бастап нұсқау береді. Сол бойынша оқушылар жалғастырады.
Глобус мұғалімге қайтып келгенде, «Біз жерде өмір сүреміз. Бәріміз ата - ана үшін, оқу үшін, болашақ үшін жауап береміз, ал Жер үшін жауапкерлікті сезінеміз бе? Оның өсімдігімен, топырағымен, ауасымен, қалаларымен не болып жатқанын білеміз бе? Әркім осы жерде өзінің ізін қалдырады. Сендер әлі оқушысыңдар, болашақта Қазақстанның белгілі де, білімді азаматы болсаңдар сендерде Жерде іздеріңді қалдырасыңдар. Мысалы қазақтың қара тасын құрметтеген Қаныш Имантайұлы Сәтбаев өз ізін қалдырды. Ол адамның орасан еңбегі үшін, 1976 жылғы маусым айында ашылған № 2402 кіші планетаға аты берілді. «Сәтбаев» планетасын әрдайым Торпақ жұлдызынан көріп отыруға болады»

2. Енді «Киностудио» аялдамасына келеді.
«Қазақстанның байлықтары» фильмін көріп, оқушылар Қазақстанның байлықтарын айта келіп, оны өндірудегі табиғатқа зиян келтіретін екінші жақтарын көрсетеді. «Байлықтарды дұрыс игермеу неге әкелді?», «Адамзаттың әдейі жасалған қастандықтарының соңы неге әкеп соқтырды?» - деген сұрақтарға жауап береді.
3.«Шығармашыл», «Өнер», «Үнемшіл» топтарының тапсырмаларын беру.
4. «Ұлттық – тәлім тәрбие» аялдамасы.
«Шығармашыл» тобына
«Өнер» тобына
«Үнемшіл» тобына

6. Қорытынды
Қазіргі кезде экологиялық мәселелер өзінің қоғамдық мәні жағынан алдыңғы қатардағы мәселелердің біріне айналды. «Табиғат, Табиғат – Ана» деген сөз асқақтаған ұғым. Жаңа экологиялық мәдениет осыны мойындауы тиіс. Табиғатқа деген ілтипат бұл адамға көрсетілген құрмет. Қазақстан Республикасы тұрақты дамудың жаңа жолына түскенде экологиялық білім мен тәрбие берудің маңызы зор болса, экологияландырылған білімді ұрпақ қажет.

Атырау облысы, Исатай ауданы
Жанбай селосы, Х. Наубетов атындағы орта мектеп
қазақ тілі мен әдебиеті пәнінің мұғалімі
Нұрмұханова Айбарша Батырқызы

Толық нұсқасын жүктеу