Салауатты өмір салтын арттыру

Салауатты өмір салтын арттыру

Табиғаттың ең қымбат жемісі дені сау адам болып табылады. Адам өміріндегі ең маңызды құндылық – денсаулық. Әрбір адам өз денсаулығы үшін жауапты және денсаулығының мықты болу жолдарын қарастыру керек.
Әл - Фараби атындағы ҚазҰУ - ң Тарих факультетіндегі Қазақстан тарихы кафедрасында білім берумен қатар, студенттермен рухани - танымдық іс - шаралар өткізіліп отырады. Студенттер үшін арнайы «Денсаулық – ең басты құндылық», «Салауатты өмір салты», «Тазалық – денсаулық кепілі» секілді тақырыптарда тәрбиелік іс - шаралар ұйымдастырылып, өткізіліп отырады. Студенттер табиғатты адам тіршілігінде қажетіне дұрыс пайдалануды, денсаулығына зиян келмейтіндей жағдайда болуын қадағалауды, салауатты өмір салтын ұстануды сөз ете отырып, барлық ұлттарды толғандырып отырған, барлық азаматтардың денсаулықтары мен рухани саулықтары ойландыратын, тазалық сақтау, сақтық ережелерін сақтау туралы мәліметтермен танысып, ойларымен бөлісіп отырады. Осындай іс - шараларда баяндамалар жасалып, адамның денсаулығы – қоғам байлығы, әрбір адам өз денсаулығының мықты болу жолдарын қарастыру керектігін, дені сау адамның көңіл - күйі көтеріңкі болып, еңбекке әрқашан құлшына кірісетіні жайында баяндалып, студенттер көтерілген мәселелер жөнінде көптеген сұрақтар қоя отырып, осындай денсаулық тақырыбына арналған іс - шараларға белсене қатыса отырып, меңгерген білім деңгейлерін көрсете алады.
Сонымен бірге, студенттердің әлеуметтік өмірін жақсарту, бос уақыттарын тиімді қолдану, денсаулықты сақтау және нығайту, сапалы тамақтану, зиянды нәрселерден аулақ болу мақсатында көптеген іс - шаралар атқарылып келеді. Студенттердің спортқа деген қызығушылығы өте жоғары. Салауатты өмір салтын арттыруда жастарды спортқа баулудың маңызы зор.

Өзенбек Е. Р.
Әл - Фараби атындағы ҚазҰУ,
Тарих факультеті
Қазақстан тарихы кафедрасының оқытушысы