Мектеп кабинеттері. Антоним

Қостанай облысы, Қостанай ауданы,
Мичурин ОМ қазақ тілі мен әдебиеті пәні мұғалімі
Баймуханова Гулмиран Абилхановна

Қазақ тілі 5 - сынып
Сабақтың тақырыбы: Мектеп кабинеттері. Антоним
Білімділік мақсаты: Мектеп кабинеттері туралы түсінік беру, антоним ережесімен таныстыра отырып санада бекітуге, сауатты жазуға және сөйлеуге үйрету;
Дамытушылық мақсаты: Оқушылардың ойлау, сөйлеу қабілеттерін дамыту, тапқырлыққа баулу, сабаққа белсендігін арттыру;
Тәрбиелік мақсаты: Мемлекеттік тілге деген сүйіспеншілікке тәрбиелеу
Сабақтың түрі: жаңа сабақ
Сабақтың әдісі: түсіндіру, баяндау, сұрақ - жауап, мәтінмен жұмыс.
Пәнаралық баланыс: орыс тілі, музыка, сурет.
Күтілетін нәтиже: грамматикалық және лексикалық тақырыптарды
меңгеру
Сабақтың көрнекілігі: слайд, балық, теңіз, бағалау парақшасы, жәрмеңке заттары, сабақтың эпиграфы, сабақтың құрылымы.

Сабақтың барысы:
Ұйымдастыру кезеңі: ( Психологиялық дайындық)
Біз бақытты баламыз,
Ойнап, күліп аламыз.
Жетілсін деп санамыз
Оқып білім аламыз.

Үйге қандай тапсырма берілді? ( 1 тапсырма «Кезекші» жаттау), синоним ережесі, мысалдар.
“Жәрмеңке” сабағы арқылы үй тапсырмасын тексеру;
♠ “Балық аулау” ойыны арқылы үй тапсырмасын бекіту;
♠ Жаңа сабақты түсіндіру;
♠ “Қыз қуу” ойыны арқылы 6 - шы тапсырманы орындау;
♠ “Тапқыр болсаң, тауып көр” ( берілген сөздердің антонимін табу);
♠ “Есте сақтау” диктантын жатқа жазу;
♠ Сергіту сәті: “ Ұшты - ұшты не ұшты?” ойыны;
♠ “Бәйге” ойыны арқылы мақалдардың жалғасын табу;
♠ “Көкпар” ойыны арқылы қорытынды сабақ: “ Өз біліміңді тексер”.
♠ Үй тапсырмасы;
♠ Бағалау.

1. “Жәрмеңке” сабағы арқылы үй тапсырмасын тексеру;
Үй тапсырмасы әр оқушыдан жеке - жеке сұралады.( оқушылар өз білімдеріне сай «Жәрмеңке» заттарын сатып алады).

2. “Балық аулау” ойыны арқылы үй тапсырмасын бекіту;
1. Синоним дегеніміз не?
2. Синонимге мысалдарды кім тез айта алады?
3. “Алыс” сөзінің синонимі.
4. “Амандасу” сөзінің синонимдерін кім тез айта алады?

3. Жаңа сабақты түсіндіру; Мектеп кабинеттері. Антоним
Мектеп кабинеттері туралы слайд көрсетіліп, түсінік беріледі.
Антоним - мағыналары бір – біріне қарама – қарсы болып келетін сөздер.
Мысалы: биік - аласа, кең - тар, ерте - кеш, ұзын - қысқа.
Антонимы - это слова противоположности по значению. Например: высокий - низкий, широкий - узкий, рано - поздно, длинный - короткий

5.“Қыз қуу” ойыны арқылы 6 - шы тапсырманы орындау;

6.“Тапқыр болсаң, тауып көр” ( берілген сөздердің антонимін табу);
• Жаңа - ескі,
• ақ - қара,
• салқын - ыстық,
• жақын - алыс,
• дос - дұшпан,
• жақсы - жаман.

7.“Есте сақтау” диктантын жатқа жазу;
Мектеп - кеме,
Білім – теңіз.
Сергіту сәті: “ Ұшты - ұшты не ұшты?” ойыны;

8. “Бәйге” ойыны арқылы мақалдардың жалғасын табу;
• Аз сөз алтын, көп сөз күміс.
• Көп біл, аз сөйле.
• Дұшпан күлдіріп айтады, дос жылатып айтады.
• Жаман достан жақсы дұшпан артық.

9.“Көкпар” ойыны арқылы қорытынды сабақ:“ Өз біліміңді тексер”.
• 1. Антонимнің ережесін кім айта алады?
• 2. Антонимге мысалдар келтіру.
• 3. Берілген мақалдан антонимді сөздерді табу. Көз – қорқақ, қол батыр.
• 4. Берілген сөйлемнен антонимді сөздерді табу.
• Ол бүгін – ертең келіп қалар.

10. Үй тапсырмасы;
Күнделікті енді ашайық
Үй тапсырмасын жазайық.
Бүгінгі алған білімді,
Ұмытпай есте сақтайық.
“ Біздің мектеп” тақырыбында шағын эссе. Антонимді сөздер болуы керек.
11. Бағалау. « Бағалау парақшалары» арқылы оқушылардың білімдері бағаланады.