Ел рәміздері

Сыныбы: 3
Сабақтың тақырыбы: Ел рәміздері
Сабақтың мақсаттары:
Білімділік: ел рәміздері және олардың авторлары туралы толық мағлұмат беру, қазақ жерінің кең байтақ екендігі, тәуелсіздігі жайында білімдерін толықтыру. Ел рәміздерінің мемлекеттік мәнін ашу.
Тәрбиелік: елжандылықққа, қазақстандық патриотизмге тәрбиелеу, ел рәміздерін қастерлеп, құрметтеуге баулу.
Дамытушылық: ақыл - ой әрекеті, топтық ойлау, өзара қарым - қатынас біліктіліктерін, шығарамашылық потенциалдарын, сөздік қорларын дамыту.
Сабақтың типі: жаңа білім беру
Сабақтың түрі: проблемалық
Сабақтың технологиясы: ДОТ
Сабақтың стратегиялары: бақылау, түсіндіру, сұрақ - жауап, робин - раунд, ІNSERT, еркін жазу, ассосация, блиц - турнир сұрақтары, «Миға шабуыл», лекция (визуалды)
Сабақтың көрнекілігі: экрандық - бейнелік (мемлекеттік рәміздер суреттері, рәміздер авторларының портреттері, мазмұндық суреттер), бағалау және көңіл күй фишкалары
Сабақты ұйымдастыру формасы: топтық
Сабақ барысы:
І. Қызығушылықты ояту
1. Ұйымдастыру (2 мин)
Оқушыларды және құралдарын түгендеу
Назарларын сабаққа аудару
Оқушыларды топтарға бөлу
І топ: «Елтаңба»
ІІ топ: «Көк байрақ»
ІІІ топ: «Әнұран»
Әдістері: бақылау, әңгімелесу, сұрақ - жауап.
Күтілетін нәтиже: оқушылардың назары толығымен сабаққа аударылады.
2. Қызықтырушылық әрекет (2 мин)
«Көңіл күй қалай, оқушым?»
- туымның түсіндей жарқыраймын
- өзіме сенемін, қызарсам, айып етпеңіз
- қорқыныш бар, бірақ сарғайып солмаймын
Әдістері: бақылау, сұрақ - жауап
Нәтижесі: осы жұмыс арқылы оқушылардың сабаққа деген қызығушылықтары арта түсті. Сыныпта 23 оқушы болса, 10 оқушы - көк түсті, 7 оқушы - қызыл түсті, 6 оқушы - сары түсті фишканы таңдады.
ІІ. Жаңа мағынаны тану
1. Тірек білімді актуалдау (4 мин)
Шарты: әр топ басшысына «Миға шабуыл» сұрақтары қойылады. Оқушы шапшаң түрде жауап беруі керек.
І топ. «Елтаңба»
1. Қазақстан батыстан шығысқа қарай қанша киллометрге созылып жатыр? (3000 км)
2. ҚР тәуелсіздігін қашан алды? (1991 жыл, 16 желтоқсан)
3. Елордамыз қай өзеннің бойында орналасқан? (Есіл)
4. Қазақ елінің тәуелсіздігін ең алғаш мойындаған ел. (Түркия)
5. Жері байдың -.... (елі бай)
ІІ топ. «Көк байрақ»
1. Қазақстан оңтүстіктен солтүстікке қарай қанша киллометрге созылып жатыр? (1600 км)
2. ҚР Конституциясын қай жылы қабылдады? (1995 жыл, 30 тамыз)
3. Қызылорда қаласы қай өзеннің бойында орналасқан? (Сырдария)
4. Қазақстан дүние жүзі бойынша жер көлемі жағынан нешінші орында? (9)
5. Ит тойған жеріне,.... (ер туған жеріне)
ІІІ топ. «Әнұран»
1. ҚР жалпы аумағы. (2. 7 млн км)
2. Ұлттық валюта қашан қабылданды? (1995 жыл, 15 қараша)
3. ҚР БҰҰ - на қашан мүшелікке қабылданды? (1992 жыл, 2 - наурыз)
4. ҚР Премьер - министрі кім?
5. Өзге елде сұлтан болғанша,..... (өз еліңде ұлтан бол)
Әдісі: Блиц - турнир сұрақтары
Нәтижесі: өткен тақырыптар бойынша алған білімдерін еске түсіру арқылы жаңа сабаққа кіріспе жұмысы жасалды.
2. Жаңа сабақ
а) жетекші сұрақтар қою ( 2 мин)
1. Біздің Отанамыз?
- Қазақстан.
2. Біздің Елбасымыз?
- Н. Ә. Назарбаев
3. Біздің Елордамыз?
- Астана
4. Біздің рәміздер?
- Елтаңба, Әнұран, Ту
- Дұрыс айтасыңдар, балалар.
Әдісі: сұрақ - жауап
Нәтижесі: Отан туралы сұрақтарды қою арқылы жаңа сабақтың тақырыбын шығарып алдық
ә) жаңа сабақты хабарлау (10 мин)
жаңа сабақты көрнекіліктер (экрандық - бейнелік) арқылы түсіндіру
Әнұран Елтаңба
Ту
Әдісі: баяндау, лекция (визуалды), түсіндіру, ассосация.
Нәтижесі: жаңа сабақты көрнекіліктер арқылы түсіндіру оқушылардың жаңа материалды естерінде сақталып қалуына ықпал жасады. Жаңа материал бойынша толық мағлұмат алды.
3. Оқулықпен жұмыс (4 мин)
Оқулықтағы мәтінді тізбектей оқыту
Мәтінді оқу барысында «ІNSERT» стратегиясы бойынша белгілер соғып өту.
Ол белгілер мыналар: V – «білемін»
+ - «мен үшін жаңа ақпарат»
? – «мені таңқалдырды»
Әдісі: робин - раунд, ІNSERT
Нәтижесі: мәтін бойынша оқығанын түсінуге, өз ойына басшылық етуге, ойын ашық айтуға дағдыланады. Оқушылардың жаңа материалды жете меңгерулеріне жағдай жасалады.
4. «Кім зерек?» тапсырмасы (3 мин)
Шарты: жаңа тақырып бойынша 3 топқа сұрақ беріледі. Топ мүшелері бірге ойланып, бір оқушы жауап береді.
І топ. «Елтаңба»: ҚР Мемлекеттік туы қандай жерлерге ілінеді?
ІІ топ. «Көк байрақ»: ҚР Мемлекеттік әнұраны қандай жиындарда орындалады?
ІІІ топ: «Әнұран»: ҚР Мемлекеттік елтаңбасы қай жерлерде бейнеленеді?
Әдісі: сұрақ - жауап
Нәтижесі: жаңа тақырып бойынша алған білімдерін анықтау. Үш топ та өздеріне берілген тапсырманы жақсы орындап шықты.
5. Поэзия минуты
Менің Республикам (С. Мәуленов)
Тауды көрсең күн көзімен таласқан,
Аспан көрсең Ай мен Күнге жол ашқан,
Менің байтақ Республикам таулары,
Менің көгім - мөлдіреген сол аспан.

Дала көрсең көкжиекпен ұштасқан,
Көлді көрсең секілді бір түскі аспан,
Менің байтақ Республикам даласы,
Менің көлім теңізбен қол ұстасқан.

Қызыл бұлттай көрсең қырдың гүлдерін,
Көрсең ашық Алатаудың күндерін,
Жерінде гүл, көгінде күн бір жүзген
Ұлан - байтақ Республикам бұл менің.
Нәтижесі: осы өлеңді оқу барысында оқушылардың шаршағандықтары басылып, шабыттана бастады.
6. «Есте сақта» тапсырмасы ( 4 мин)
Шарты: Экраннан бірнеше әр түрлі тақырыптағы суреттер көрсетіледі. Көруге 1 минут уақыт беріледі. 1 минуттан соң сурет экраннан алып тасталады. Оқушыларға көрген суреттерінің ішінен бүгінгі тақырып мазмұнына сай келетін есте қалған суреттердің атын алдын ала таратылған қағазға түсіру сұралады.
Суреттер: глобус, алма, тау, ту, қарындаш, балық, елтаңба, орман, сауысқан, теңге, Алтын адам, ағаш, гүл, Бәйтерек монументі, адам, киіз үй.
ІІІ. Ой толғаныс кезеңі
1. Жаңа сабақты бекіту
1.«Сәйкестендір» (4 мин)
Шарты: жаңа тақырыпқа байланыст ыбірінші бағандағы сөздердің орысша аудармасын екінші бағандағы сөздермен сәйкестендіру керек.
Елтаңба – независимость
Әнұран – город
Мемлекет – правительство
Заң – герб
Үкімет – государство
Халық – родина
Отан – гимн
астана – граница
Шекара – столица
Тәуелсіздік – закон
Қала – флаг
Ту – народ
Әдісі: сәйкестендіру
Нәтижесі:
2.«Еркін жазу» стратегиясы арқылы сабақ бойына қарастырылған жаңа ақпарат жайлы, одан алған әсерін, не үйренгенін, нені әлі де біле түсу керек екендігін қағаз бетіне түсіру тапсырылады. (2 мин)
Әдісі: еркін жазу
Нәтижесі: оқушылардың алған білімдерін қорытуға, оған сын көзбен қарап, ойын түйіндеуге үйретеді.
3. Үй тапсырмасын беру (1 мин)
Теориялық бағытта: мәтінді оқып, мазмұндау
Шығармашылық бағытта: «Ел рәміздері - елдік нышандары» тақырыбында шығарма жазу
Ізденушілік бағытта: ел рәміздеріне сипаттама жазып келу
4. Бағалау (2 мин)
«Бағалау парағы» арқылы топтық бағалау
Нәтижесі: сабақтың өн бойында орындалған тапсырмалардың орындалу деңгейіне қарай топтар «Бағалау парағы» арқылы топтық түрде бағаланды. «Елтаңба» және «Көк байрақ» топтары «өте жақсы», ал «Әнұран тобы» «жақсы» деген баға алды.