Сайтқа кіру Тіркелу


Туған күнді тойлаймыз

Жүргізуші: Қайырлы күн, құрметті қонақтар, кішкене бүлдіршіндер!
Бақшада сәбилермен бала күлген,
Қарсы алайық туған күн иелерін.
Туған күн иелері әуеннің ырғағымен келіп өз орындарына отырады.
Таусылмасын сіздердің армандарыңыз
Арайланып атсын әркез таңдарыңыз.
Құтты болсын туған күн мерей тойың
Жадырасын әрдайым жандарыңыз - деп күз айларында туылған туған күн иелерін шын жүректен құттықтаймыз!
Жүргізуші: Тек жүректен арналар сөзіміз де,
Жақсылықтан жаралған жүрегіңіз.
Сөз берейік құрметпен өзіңізге,
Бүлдіршінге арналсын тілегіңіз.
Бүгінгі бүлдіршіндерімізге деген құттықтау сөз кезегін балабақша директоры Жанар Нығыметқызына жолдаймыз.
Жүргізуші: Бүгін туған күніміз
Бүлдіршіндер гүліміз.
Көңіліміз көркейсін
Көп ән, бимен жырымыз.
Сіздерге арнап Қазиханова Дана «Туған күн» әнін орындап береді қабыл алыңыздар!
Сайқымазақ мұңайып, көңілі түсіңкі келеді
Жүргізуші: Балалар қараңдаршы бізге қонаққа сайқымазақ келді. Бірақ оның көңілі түсіңкі ғой, оған не болды екен сұрап көрелік?
Сайқымазақ саған не болды, неге жабырқап жүрсің, кім сені ренжітті?
Сайқымазақ: Бүгін менің туған күнім еді. Сендермен бірге тойлауға бола ма? Менің достарым да жоқ еді. Сендермен бірге дос болғым келеді.
Жүргізуші: Олай болса кел бізбен бірге бол. Біздер балалардың туған күндерін тойлап жатырмыз. Сен де туған күніңді бізбен бірге өткіз.
Саған арнап балалардың орындауында «Көңілді биін» тарту етеміз.
Сайқымазақ: Ой рахмет балалар көңілім бір көтеріліп қалды.
Жүргізуші: Балалар бүгін сайқымазақтың туған күні екен. Біз сайқымазаққа сыйлық сыйлайық. Олай болса бәріміз «Сыйлық тасу» ойынын ойнаймыз. Ойын шарты: балалар екі топқа бөлініп сыйлықтарды арбамен тасып, сайқымазаққа сыйлайды.
Сайқымазақ: Ой балалар сендерге көп рахмет!
Жүргізуші: Жүздерінен көрем шаттық арайын,
Болсын солай әрбір күнің, әр айың?.
Мерекеңіз құтты болсын бүлдіршін,
Мерекеңіз құтты болсын ағайын!
Әлібиева Айдананың орындауында «Туған күн» әнін қабыл алыңыздар!
Жүргізуші: Балалар сендер туған күннің ең басты тағамын білесіңдер ме?
Балалар: Иә, ол тәтті нан.
Жүргізуші: Иә дұрыс айтасыңдар. Олай болса сол тіпті нанды өзіміз жасап көрсек қалай болар екен.
Ойын: «Тәтті нан жасау»
Ойын шарты: Кубиктерден тәтті нан пішінін құрастыру.
Жүргізуші: Гүлмен келсін келер күн,
Бала бағы бар елдің.
Балалардың күлкісі,
Көркі сәні әлемнің – деп бүлдіршіндерімізді туған күн мерекесімен тағы да шын жүректен құттықтаймыз.
Кері қайту
Пікірлер: 0
Пікір білдіру
Ақпарат
Қонақтар,тобындағы қолданушылар пікірін білдіре алмайды.
Абайдың қара сөздері, Ашық сабақ, Бастауыш, Информатика, Мұқағали Мақатаевтың өлеңдері, Ресей, Русский язык, Сабақ жоспары, Тәуелсіздік, Физика, Химия, абай құнанбаев қара сөздері, абай құнанбайұлының қара сөздері, ана тілі, ағылшын тілі, бала-бақша, балабақша, бастауыш сынып, баяндама, биология, география, дүниетану, ертегі, математика, математикадан сабақ жоспары, презентация, сайыс, сайыс сабақ, сауат ашу, сценарий, тарих, тақпақ, технология, тәрбие сағаты, Қазақ әдебиеті, Қазақстан, қазақ тілі, қазақ тілінен сабақ жоспары, қысқа мерзімді жоспар, өлең

Барлық тегтерді көрсету
×