XXV Қысқы Олимпиада ойындары

XXV Қысқы Олимпиада ойындары

Әл - Фараби атындағы ҚазҰУ жоғары оқу орнына дейінгі білім беру факультеті шетелдіктердің тілдік және жалпы білім беру дайындығы кафедрасында әлемнің түрлі елдерінен келген шетелдік студенттер оқиды. Міне, сол шетелдік тыңдаушыларға «XXV Қысқы Олимпиада ойындары» тақырыбында тәрбиелік іс - шара өткізілді. Куратор - эдвайзер қысқы Олимпиада 2026 жылдың 6 - 22 ақпаны аралығында Италияда, Милан және Кортина - Д ' Ампезцо қалаларында өткенін айтты. Олимпиада ойындарының символы: бес құрлықты бейнелейтін бес сақина. Олимпиада Ойындарының ұраны: «Жылдам, жоғары, күшті».
Шетелдік студенттер презентацияны тамашалап, қысқы спорт түрлерімен танысты: мәнерлеп сырғанау, коньки тебу, шорт - трек, хоккей, слалом, фристайл, сноубординг, шаңғы жарысы, биатлон, шаңғымен секіру, шана спорты, бобслей, керлинг. Тыңдаушылар XXV Қысқы Олимпиада ойындарында Қазақстан ұлттық құрамасының атынан спорттың он түрінен 36 спортшы қатысқанын білді. Қазақстан үшін олимпиаданың басты нәтижесі – мәнерлеп сырғанаудан 21 жастағы қазақстандық спортшы Михаил Шайдоров жеңіп алған алтын медаль. Жапония мен Қытайдан келген студенттер Италиядағы қысқы Олимпиадада өз елдерінен келген спортшылардың өнерлері мен жетістіктері туралы айтып берді. Іс - шара соңында шетелдік студенттер сұрақтарға жауап беріп, былай деді: олар қандай спорт түрлерімен айналысқысы келеді? Неліктен? Ол үшін не қажет? Спортпен шұғылдану үшін қандай қасиеттер қажет? Олар қандай қысқы спорт түрімен айналысады?

Якубаева К. С., Ешимов М. П. әл - Фараби атындағы ҚазҰУ
шетелдіктердің тілдік және жалпы білім беру дайындығы кафедрасы.