Тұмау мен суық тиюдің алдын алу тақырыбында өткен кураторлық сағат

Тұмау мен суық тиюдің алдын алу тақырыбында өткен кураторлық сағат

Әл - Фараби атындағы ҚазҰУ - дің шетелдік азаматтарға арналған факультеті жанындағы тілдік және жалпы білім беру дайындығы кафедрасында шетелдік студенттерге «Тұмау мен суық тию ауруларын алдын алу» тақырыбында презентация көрсетілімімен кураторлық сағат өткізілді. Тақырыптың таңдалуы да кездейсоқ емес: дәл осы күз - қыс маусымында аурушаңдық деңгейі ерекше жоғары болады.
Куратор - эдвайзер адамдар жылдың қай мезгілінде тұмаумен және ЖРВИ - мен жиі ауыратыны, тұмаудың қаншалықты қауіпті екені, эпидемия деген не, тұмаудың белгілері (симптомдары) қандай екені туралы айтып берді.
Шетелдік студенттер аурудың пайда болу себептері, вирустардың таралу жолдары, вирустық және салқын тию ауруларынан қалай сақтану керектігі, эпидемия кезінде өзін қалай қорғау қажет екені, иммунитетті сақтау үшін ағзаны шынықтырудың маңызы туралы мәлімет алды. Куратор студенттерге жеке гигиена ережелерін сақтауды еске салды: қолды жуу, әртүрлі дезинфекциялық құралдарды қолдану, қоғамдық орындарда (автобустарда, дүкендерде, кинотеатрларда) немесе науқас адаммен байланыс кезінде маска тағу, телефон мен пернетақта бетін өңдеу, тұмауға қарсы екпе жасау. Кураторлық сағат барысында дұрыс тамақтану, күн тәртібін сақтау, дұрыс демалу, таза ауада серуендеу, сондай - ақ шынығу мен спортпен шұғылданудың қажеттілігі талқыланды.
Сөйлесу барысында студенттер зиянды әдеттер жайлы – денсаулықты әлсірететін және иммунитетті төмендететін факторлар туралы да сөз қозғап, осы жөнінде пікір алмасты және салауатты өмір салтын ұстанып, суық тию ауруларының алдын алу ережелерін сақтауға дайын екендерін білдірді. Мұндай әңгімелер студенттердің өз денсаулығына саналы түрде қарауына және жұқпалы ауруларға шалдығу қаупін азайтуға көмектеседі.

Әл - Фараби атындағы Қазақ ұлттық университеті
шетелдіктердің тілдік және жалпы білім беру
дайындығы кафедрасының оқытушылары
К. С. Якубаева, М. П. Ешимов