"Алтын күз" кеші – жарқын сәттер мен шабыт кеші

"Алтын күз" кеші – жарқын сәттер мен шабыт кеші!

Сары алтындай күздің самалы сезілген сәтте Жоғары оқу орнына дейінгі білім беру факультетінде https://farabi. university/ ерекше бір кеш — «Алтын күз» атты эстетикалық - танымдық шара өтті. Бұл кеш – тек көңіл көтеру ғана емес, сонымен қатар шығармашылыққа, өнерге, тапқырлық пен талғамға толы мереке ретінде есте қалды.
Кештің мақсаты – тыңдаушылардың бойындағы эстетикалық талғамды, шығармашылық қабілетті дамытып, ұжымшылдыққа баулу, сонымен қатар таңдаған мамандықтарына деген сүйіспеншілікті арттыру болатын.
Шара 5 кезең бойынша ұйымдастырылды:
1. Видеотаныстыру. Бұл кезеңде әр команда өздерін таныстырып, мұнда шығармашылық тұрғыдан ерекше болу маңызды. Әр командаға 5 минут уақыт берілді. Барлық командалар бірден бірінші кезеңге шығады және кезекпен таныстырады.
2. Шығармашылық өнер көрсету. Бұл кезеңде әр команда өздерінің шығармашылық өнерін көрсетеді. Әр командаға 7 минут уақыт беріледі.
3. Күзгі сән көрсетілімі («Күзгі подиум»). Бұл кезеңде әр команда өздерінің қолөнерлік туындыларын немесе сәндік элементтерін көрсетеді. Әр командаға 5 минутқа дейін уақыт беріледі. Барлық командалар бірінен кейін бірі шығып, сән үлгілерін көрсетеді.
4. Күзгі композиция. Үйден дайындалған қолөнер бұйымдары, жеміс - жидек композициялары таныстырылады. Әр командаға 2 минут уақыт беріледі.
5. Қорытынды мен марапаттау.
Кешке қатысушы командалар пәндеріне байланысты топ аттарын таңдап, ерекше бейнеде сахнаға шықты.
– “Жарқыра” (Биология - химия) командасы кеш бойы белсенділігімен көзге түсіп, “Күз сұлтаны” және “Қолөнер шебері” номинацияларына ие болды.
– “Starlight Vibes” (Дүниежүзі тарихы – ағылшын тілі) тобы “Ең әдемі таныстыру” номинациясымен марапатталды.
– “Үздік” (Шығармашылық бағыты) атына заты сай өнерімен танылып, “Өнерлі жұп” пен “Күз аруы” аталымдарына лайық деп танылды.
– “Жұлдызды формула” (Физика - математика) — “Ең әдемі сән үлгісі” бойынша үздік деп танылды.
– “Eclipse” (География - математика) тобы шығармашылық композициямен көзге түсіп, “Күзгі композиция шебері” атанды.
– “Алтын жұлдыз” (Информатика - математика) командасы барлық кезеңде жоғары нәтиже көрсетіп, бас жүлдені қанжығасына байлады.
Тыңдаушылар өз өнерлерін паш етіп қана қоймай, бір - бірімен рухани байланыс орнатып, сахнада нағыз достық пен креативтің үлгісін көрсетті. Шара соңында қатысушылар мен көрермендер көтеріңкі көңіл - күймен тарқасты.
«Алтын күз» — жастардың жалындаған өнері мен шығармашылығы тоғысқан, жүректерге жылу сыйлаған, күздің ең жарқын сәтіне айналған кеш болды.

ЖОО дейінгі дайындық кафедрасының
аға оқытушысы Сандуғаш Нұртілеуова