Шәкірттердің жетістіктері – ұстаздардың табысты еңбегінің жемісі

Шәкірттердің жетістіктері – ұстаздардың табысты еңбегінің жемісі

Еліміз тәуелсіздік алғаннан бері жаңа заман талаптарының ең өзектілерінің бірі – әлемдік білім және еңбек кеңістігінде бәсекеге қабілетті мамандар даярлау. Жаһандану жағдайында қоғамның үнемі өзгеріп, дамып отыруы білім беру жүйесінен жаңа көзқарас пен үздіксіз жаңаруды талап етеді.
Осы бағытта әл - Фараби атындағы Қазақ ұлттық университетінің https://farabi. university жоғары оқу орнына дейінгі білім беру факультеті, жоғары оқу орнына дейінгі дайындық кафедрасы оқу - ағарту үдерісін қазіргі заманауи талаптарға сай ұйымдастырып келеді. Кафедра ұжымы шетелдік тыңдаушыларға сапалы білім берумен қатар, олардың қоғамдық жұмыстарға белсене қатысуына, еліміздің мәдени және әлеуметтік ортасына бейімделуіне барынша жағдай жасайды.
Сабақтар мазмұнды әрі қызықты өтіп, тыңдаушылардың білім деңгейі мен жеке қабілеттерін анықтауға ерекше көңіл бөлінеді. Кімнің оқу үлгерімі жоғары, кімнің өнерге бейімі бар немесе қоғамдық жұмыстарға белсенді екені түрлі сайыстар мен іс - шаралар арқылы байқалып отырады.
Кафедра жұмысының ең үлкен жетістігі – 8 – 9 ай бойы білім алған шәкірттердің жоғары нәтижелерге қол жеткізіп, Білім гранттарын жеңіп алуы. Биыл да тыңдаушыларымыз жақсы көрсеткіш көрсетіп, өз қалаған мамандықтарына түсіп, студент атанды. Бұл – ұстаздардың кәсіби еңбегінің айқын жемісі.
Шәкірттеріміздің табысына шын жүректен қуаныштымыз! Оларға әрдайым сәттілік серік болып, болашақта мықты маман атанып, еліміздің дамуына үлес қосатын бәсекеге қабілетті азаматтар қатарынан көрінулерін тілейміз!

Әл - Фараби атындағы Қазақ ұлттық университеті
Жоғары оқу орнына дейінгі дайындық
кафедрасының аға оқытушылары
Ибрагимова М. Н., Нұртілеуова С. Р.