«Экология және қазіргі уақыт» тақырыбында кураторлық сағат өтті

«Экология және қазіргі уақыт» тақырыбында кураторлық сағат өтті

Әл - Фараби атындағы ҚазҰУ Шетелдердің тілдік және жалпы білім беру дайындығы кафедрасында, дайындық факультетінің 11 - тобында «Экология және қазіргі уақыт» тақырыбында кураторлық сағат өтті.
Куратор - эдвайзер адамзат күн сайын бетпе - бет келіп отырған ең өзекті экологиялық мәселелерге тоқталды.
Шетелдік студенттер тірі табиғат пен оның бір бөлігі болып табылатын адамның арасындағы табиғи байланыстардың көп жағдайда бұзылғанын және бұған адамның өзі мен техникалық прогресс себеп болғанын білді. Техникалық «прогрестің» кейбір нәтижелері де айтылды: бүгінде екі миллиардтан астам адам денсаулыққа қауіпті, лас суды ішеді, себебі өнеркәсіптік қалдықтар, саны әр 10 жыл сайын екі еселеніп отыратын қалдықтар, топыраққа, өзендер мен теңіздерге түсіп жатады.
Жердің жасыл аймағы тез азаюда: адам әр минут сайын тропикалық ормандардың 40 гектарын жояды. Ғалымдардың айтуынша, бүгінде әлемде әр күні бір өсімдік түрі жойылып, онымен бірге бірнеше жануар түрі де жоғалып кетеді. Зымыран ұшырылымдары, ұшақтардың көбеюі, аэрозольдердің қолданылуы нәтижесінде озон қабаты бұзылып, Жерді ультракүлгін сәуледен қорғайтын бұл қабатта Антарктида мен Арктика үстінде «озон тесіктері» пайда болды.
Атмосфераға шамадан тыс бөлінетін көмірқышқыл газы – тірі ағзалардың тыныс алуынан және кез келген жанудан пайда болатын газ – «парниктік эффектінің» туындауына әкеледі. Артық жылудың жиналуынан жердің температурасы көтеріледі. Температураның көтерілуі мұздықтардың еруіне, ал ол өз кезегінде Дүниежүзілік мұхит деңгейінің жоғарылауына әкеледі.
Алайда адам бұл дағдарыстан шығудың жолын табуы керек. Бүгінде дерлік барлық елдерде «жасылдар» қозғалысы бар. «Жасылдар» ормандарды жоюға, атом электр станцияларын салуға, ауыл шаруашылығында зиянды химикаттарды пайдалануға қарсы шығады. Олар ескірген технологиямен жұмыс істейтін және қоршаған ортаны ластайтын зауыттардың жабылуы үшін күреседі. Олардың бастамасымен өзендер тазартылып, жаңа ормандар отырғызылуда.
Қытай және Жапония студенттері өз елдеріндегі экологиялық мәселелер мен оларды шешу жолдары туралы айтты. Басқа елдердегідей, Қытай мен Жапонияда да ауа мен судың ластануы, тұрмыстық қалдықтарды утилизациялау үлкен мәселе болып отыр.
Бұл мәселелерді шешу үшін жасыл технологиялар қолданылады, көбірек ағаштар мен өсімдіктер отырғызылады, адамдар қоқысты сұрыптауды және қоғамдық көлікті пайдалануды бастады, электромобильдер енгізілуде.

Әл - Фараби атындағы Қазақ ұлттық университеті
шетелдіктердің тілдік және жалпы білім беру
дайындығы кафедрасының оқытушылары
К. С. Якубаева, М. П. Ешимов