«Менің Отанымды, Республикамды жырлаймын!»

«Менің Отанымды, Республикамды жырлаймын!»

2025 жыл – еліміз үшін мерейтойлы жыл. 1 наурызда біз Қазақстан халқы Ассамблеясының құрылғанына 30 жыл толуын атап өттік. Бұл – қоғамдағы келісім мен ұлттық бірлікті нығайту бағытындағы мемлекеттік саясатты жүзеге асыруға ықпал ететін маңызды институт. Ассамблея – тәуелсіздік алғаннан кейін ғана өмірге келген бірегей құрылым.
Ал 25 қазанда Қазақстанның тәуелсіз мемлекет ретінде өзін жариялағанына 35 жыл толады. 1990 жылы қабылданған Мемлекеттік егемендік туралы Декларация еліміздің жаңа тарихындағы шешуші кезең болды. Бұл күн – тәуелсіз мемлекет құру жолындағы алғашқы қадам ретінде аталып өтеді. Республика күні – еліміздегі жалғыз ұлттық мереке. Декларация қабылданғаннан кейін Қазақстан КСРО заңдарының күшін тоқтатып, өз заң жүйесін қалыптастыра бастады.
Тарих өлшемімен қарағанда тәуелсіздікке қол жеткізгеннен бергі уақыт көп емес. Дегенмен, осы жылдар ішінде Қазақстан айтарлықтай өзгерді. Мемлекет көпұлтты мәдениетті дамытуға, елде тұратын барлық ұлт өкілдерінің дәстүрлерін сақтауға және көршілес елдермен, жалпы әлеммен татулықта өмір сүруге ұмтылуда. Бұл қағидаттар қазіргі күрделі заманда ерекше өзектілікке ие.
Егемен мемлекеттіліктің негізгі қағидалары – унитарлық құрылым, аумақтың тұтастығы мен шекараның мызғымастығы, қазақ халқының тілі мен мәдениетін қайта жаңғырту, сонымен қатар еліміздегі барлық халықтардың бірегейлігін құрметтеу және ұлттық бірегейлікті нығайту болып табылады.
Әл - Фараби атындағы Қазақ ұлттық университетінің шетелдіктерге арналған тілдік және жалпы білім беру дайындығы кафедрасында оқитын шетелдік студенттер Қазақстанның тарихына және бүгінгі өміріне үлкен қызығушылық танытады. Кафедра оқытушылары мен эдвайзерлері студенттерге ел туралы мол ақпарат беріп, түрлі танымдық іс - шаралар ұйымдастырады. Республика күніне арналған іс - шара барысында студенттер Қазақстанның тәуелсіздік тарихын талқылап, елдің дамуына деген құрмет пен жылы лебіздерін білдірді.
Кафедра оқытушыларының мақсаты – шетелдік студенттерге қазақ және орыс тілдерін үйретіп қана қоймай, Қазақстанның жағымды бейнесін халықаралық деңгейде қалыптастыру, ел мәдениеті мен тарихына деген құрметін арттыру. Осындай іс - шаралар Қазақстанның бірегейлігін көрсетіп, тыңдаушыларға қазақ халқының мәдениеті мен тілін тереңірек түсінуге мүмкіндік береді. Бұл – оқу үдерісін тиімді ұйымдастырудың маңызды бөлігі.

Әл - Фараби атындағы Қазақ ұлттық университеті
шетелдіктердің тілдік және жалпы білім беру
дайындығы кафедрасының аға оқытушылары
А. К. Ахмедова, М. П. Ешимов